ރާއްޖޭގެ ސިޔާސީ ބައެއް ބޭފުޅުންގެ ހިތަށް ހުންނަނީ ސްޓެންޓް ލައްވާފައިކަމަށާއި، އެހެންނަމަވެސް އެމަނިކްފާނަކީ ހިތަށް ސްޓެންޓްވެސް ލައްވަން ނުޖެހި އަދި ކޮންމެ ދުވަހަކު ހެނދުނު "މުށެއް ފުރާ" ބޭސްވެސް ކާން ނުޖެހޭ ބޭފުޅުއްކަމުގައި ވިދާޅުވެ، ރާއްޖޭގެ ސިޔާސީ ބައެއް އިސް ވެރިންނަށް މަލާމާތް ކޮށް ނަޝީދު ފުރައްސާރަ ކޮށްފިއެވެ.
ނަޝީދު މިމޭރުމުން ވާހަކަ ދައްކަވާފައިވަނީ ރޭ ބޭއްވުނު، އެމަނިކުފާނުގެ ދަ ޑިމޮކްރެޓްސްގެ ޖަގަހަ ޖަލްސާގައި ވާހަކަ ދައްކަވަމުންނެވެ. ރޭގެ ޖަލްސާގައި ވަހަކަ ދައްކަވަމުން ނަޝީދު ވިދާޅުވެފައިވަނީ، އެކަމިކްފާނު ހިތަށް ސްޓެންޓް ލައްވާން ޖެހިފައި ނުވާއިރު، އުމުރުން 56 އަހަރު ވެގެންދިޔައިރިވެސް ހުންނެވީ ވަރަށް ސިއްޙަތު ރަގަޅު ކޮށް ކަމަށާއި، އަދި އެމަނިކްފާނުގެ ޕާޓީން ނެރުނު ރިޔާސީ ކެނޑިޑޭޓަކީވެސް އެހާމެ ސިއްހަތޔ ރަގަޅު ބޭފުޅެއް ކަމުގައެވެ.
މާތްރަސްކަލާނގެ އަމުރުފުޅާއި އިރާދަފުޅުން އަޅުގަނޑަށް މުށެއް ފުރައި ބޭސް ހެނދުނު ކާކަށް ނުޖެހޭ. މާތްރަސްކަލާގެ އަމުރާއި އިރާދަފުޅުން އަޅުގަނޑުގެ ހިތުގައި އަދި ހަތަރު ސްޓެންޓް ލައްވާފައެއް ނެތް. މާތްރަސްކަލާނގެ އަމުރާއި އިރާދަފުޅުން އަޅުގަނޑުމެންގެ ޖީލު އަދި އަޅުގަނޑުމެންގެ ޖެނެރޭޝަން އެ އުޅޭ ބުރަ ދިރިއުޅުން އެ އުޅޭ ތަކުލީފު އެ އުޅޭ ޒުވާންކަން ގެއްލި ގޮސްގެން އެ ހުރި އުނދަގޫތައް އަޅުގަނޑަށް އެބަ ފެނޭ.
ރާއްޖޭގެ ބައެއް ސިޔާސީ އިސް ބޭފުޅުންނަކީ ހިތައް ސްޓެންޓް ލައްވާން ޖެހިފައިވާ ބޭފުޅުންކަމަށް ވިދާޅުވެ މަލާމާތް ރައްދު ކުރައްވަމުން ނަޝީދު ވިދާޅުވެފައި ވެއެވެ.
ރޭ ބޭއްވުނު، ނަޝީދުގެ "ދަ ޑިމޮކްރެޓްސް" ޕާޓީގެ ހަރުގެ ޖަލްސާގައި ވާހަކަ ދައްކަވަމުން، ރައީސް ސާލިހުގެ ޒާތުފުޅަށް އަމާޒުކޮށްވެސް ބޭއަދަބީ ބަހުން ނަޝީދުވަނީ ފާޑު ވިދާޅުވެފައެވެ. މިގޮތުން ނަޝީދު ވިދާޅުވެފައިވަނީ ރައީސް ސާލިހަކީ މިހާރު މާ މުސްކުޅިފުޅު ބޭފުޅެއް ކަމަށާއި، ދިރިއުޅުއްވަނީ ކޮންމެ ދުވަހަކު ހެނދުނު "މުށެއްވަރަށް" ބޭސް ކައިންގެ ކަމުގައެވެ.
އަޅުގަނޑު އެމްޑީޕީގެ މެމްބަރުންނަށް ތަކުރާރުކޮށް ދަންނަވަން ތިބޭފުޅުން ރައީސް އަދި ތިބޭފުޅުންގެ ކެންޑިޑޭޓް ކޮންމެ ދުވަހަކު ހެނދުނު މުށެއް ފުރައި ބޭސް ފަރިއްކުޅުއްވަން ޖެހިވަޑައިގަންނަވާ. ތިބޭފުޅުންގެ ކެންޑިޑޭޓުގެ ހިތުގެ އާލާސްކަންފުޅު. ތިބޭފުޅުންގެ ކެންޑިޑޭޓްގެ ސިއްހީ ހާލުކޮޅު އެއީ ވިސްނަވަން ޖެހޭނެ ކަންކަން.
ރައީސް ސާލިހުގެ ސިއްޙީ ހާލުކޮޅަށް މަލާމާތާއި ފުރައްސާރަ ކުރަމުން، އަދި ކުރީ ބަރީގައި އަތް ޖައްސަވަން އިންނެވި، ނަޝީދުގެ ޑިމޮކްރެޓްސް ޕާޓީގެ ކެނޑިޑޭޓް އިލްޔާސް ލަބީބަކީ ޒުވާން އަދި ސިއްހަތު ރަގަޅު ކެނޑިޑޭޓެއްކަމަށް މޭރުން ކުރައްވަމުން ނަޝީދު ވިދާޅުވެފައިވެއެވެ.
ރައީސް ސާލިހަށާއި އަދި ސިޔާސީ ބައެއް އިސް ބޭފުޅުންގެ ސިއްޙީ ހާލުކޮޅަށް މަލާމާތްކޮށް ނަޝީދު ވާހަކަ ދައްކަވާފައިވާއިރު، ރާއްޖޭގެ ބައެއް ސިޔާސީ ޕާޓީތަކުގެ ލީޑަރުންނާއި އަދި ބައެއް ސިޔާސީ ޕާޓީތައް ހިންގެވުމާއި ހަވާވެވަޑައިގެން ތިއްބެވި ބައެއް ބޭބޭފުޅުންނަކީ ހިތަށް "ޕޭސް މޭކަރ" ލައްވަން ޖެހިވަޑައިގެންފައިވާ ބޭފުޅުންކަމަށް އެބޭފުޅުން ކުރިން ވިދާޅުވެފައިވެއެވެ.
ވާދަވެރި ސިޔާސީ ފަރާތްތަކުގެ ސިފައަށާއި، އުމުރުފުޅަށާއި އަދި ސިއްހީ ހާޅުކޮޅަށް މަލާމާތް ކޮށް ނަޝީދު ވާހަކަ ދެއްކެވުމުން ގިނަބައެއްގެ ފާޑު ކިއުން ނަޝީދަށް ވަނީ އަމާޒު ވެފައެވެ.
