އެމްޓީސީސީއަކީ ކުރާ ކޮންމެ ކަމެއްވެސް ބުނާ ގަޑިއަށް ފަށާ، ބުނާ ގަޑިއަށް ހަވާލު ކުރާ ކޮންމެ މަސައްކަތެއް ނިންމާ ރައްޔިތުންގެ އިތުރުބާރު ހޯދާގަފައިވާ ކުންފުންޏެއްކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
ރައީސް ޞާލިހު މިހެން ވިދާޅުވީ ހއ.ގެ ރަށްތަކަށް ކުރައްވާ ދަތުރުފުޅުގައި ހއ.ތުރާކުނުގައި ރައްޔިތުންނާއި މުޚާތަބު ކުރައްވާ ވާހަކަފުޅު ދައްކަވަމުންނެވެ. ރައީސް ޞާލިހު ވިދާޅުވީ ހއ. ތުރާކުނު ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫޢު ވަރަށް އަވަހަށް ފެށިގެންދާނެކަމަށެވެ. ތުރާކުނަށް ދިމާވެފައިވާ ޖާގައިގެ ދަތިކަމަށް ހައްލު ހޯދައި ދިނުމަކީ އެމަނިކުފާނު ކޮށްދެއްވާނެ މަސައްކަތެއް ކަމަށް ރައީސް ޞާލިހު ވިދާޅުވިއެވެ.
މިމަސައްކަތް ސަރުކާރުން ހަވާލުކޮށްފައިވާ އެމްޓީސީސީއަށް ތައުރީފް ކުރައްވާ ރައީސް ވިދާޅުވީ އެމްޓީސީސީއަކީ ހަވާލު ކުރެވޭ ކޮންމެ މަސައްކަތެއްވެސް ބުނާ ގަޑިއަށް ފަށާ ބުނާ ގަޑިއަށް ނިންމާ ރައްޔިތުންގެ އިތުރުބާރު ހޯދާފައިވާ ކުންފުންޏެއް ކަމަށެވެ.
މިރަށުގެ ބިން ހިއްކުމުގެ މަސައްކަތް ލަސްތަކެއްނުވެ ފަށާނެ. އެމްޓީސީސީއަކީ ބުނާ ގަނޑިއަށް މަސައްކަތް ފަށާ ބުނާ ގަޑިއަށް މަސައްކަތް ނިންމާ ކުންފުންޏެއް. އެކުންފުންޏަށް އޮތް އިތުބާރާއިއެކު މިމަސައްކަތް ބުނާ ތާރީޚަށް ނިންމާނެކަމުގެ ޔަގީންކަން އަޅުގަނޑު ދެން.
– ރައީސް ވިދާޅުވިއެވެ.
ތުރާކުރުނުގައި ހިންގާ މަޝްރޫޢުގެ ދަށުނ،ް ސޭންޑް ސަރޗް ސަރވޭއެއް ހެދުމާއ،ި 8.16 ހެކްޓަރުގެ ސަރަޙައްދެއްގެ ބިން ހިއްކުމާއ،ި 1215 މީޓަރުގެ ސަރަޙައްދެއްގައި ރިވެޓްމެންޓް ޖެހުމުގެ މަސައްކަތް ހިމެނެއެވެ. މި މަޝްރޫޢަކީ 152.04 މިލިއަން ރުފިޔާއަށް 630 ދުވަސް ތެރޭ ނިންމުމަށް އެމްޓީސީސީ އާއި ކުންފުންޏާއި ހަވާލުކޮށްފައިވާ މަޝްރޫޢުއެކެވެ.
