ރައްޔިތުންގެ މަޖިލިހުގެ އިނގުރައިދޫ ދާއިރާގެ ކުރީގެ މެމްބަރު އިބުރާހިމް ފަލާހު ކުރިޔަށް އޮތް ރިޔާސީ އިންތިޚާބުގެ ކެމްޕޭންގައި ވަރަށް އަވަށް ބައިވެރިވެވަޑައިގަތުމަށް ނިންމަފައިފިއެވެ.
ފަލާހުގެ ގާތް ބޭފުޅަކު "ޚަބަރު އޮންލައިން"އަށް މައުލޫމާތު ދީފައިވާ ގޮތުގައި ފަލާހު ވަރަށް އަވަހަށް ރިޔާސީ ކެމްޕޭނަކާއި ގުޅިވަޑައިގެންނެވުމަށް ނިންމަވާފައިވަނީ، ގައުމުގެ މިވަގުތުގެ ހާލަތު އޮތް ގޮތުން، ކުރިޔަށް އޮތް ރިޔާސީ އިންތިޚާބުގައި ގައުމަށް ހެޔޮބަދަލެއް އަންނަޖެހޭ ކަމަށް ގަބޫލު ކުރެއްވޭތީ ކަމުގައެވެ.
ފަލާހު ގަބޫލު ކުރައްވަނީ، ގައުމުގެ މިވަގުތުގެ ހާލަތަށް އޮތީ ހެޔޮ ބަދަލެއް އަންނަން ޖެހިފަ. އެހާލަތު ގެނެވޭނީ ޒިންމާދާރު ފަރާތްތަކުން މުހިންމު ދައުރެއް އަދާކޮށްގެން ކަމަށް ފަލާހު ގަބޫލު ކުރައްވަނީ.
ފަލާހުގެ ގާތް ބޭފުޅަކު ޚަބަރު އޮންލައިންއާއި މައުލޫމާތު ހިއްސާ ކުރައްވަމުން ވިދާޅުވިއެވެ. އެހެންނަމަވެސް، ކުރިޔަށް އޮތް ރިޔާސީ އިންތިޚާބުގައި ފަލާހު ތާއީދު ކުރެއްވުމަށް ނިންމަވާފައިވަނީ ކޮން ކެނޑިޑޭޓަކަށް ކަމެއް "ޚަބަރު އޮންލައިން"އާއި މައުލޫމާތު ހިއްސާކުރި ފަރާތުން ވިދާޅުވެފައެއް ނުވެއެވެ.
18 ވަނަ ރައްޔިތުންގެ މަޖިލިހުގައި އިނގުރައިދޫ ދާއިރާގެ މެމްބަރުކަން ކުރެއްވި އިބުރާހިމް ފަލާހު ކުރިން ހުންނެވީ އިދިކޮޅު ޕީޕީއެމްގެ އިސް ބޭފުޅެއްގެ ގޮތުގައެވެ. އަދި އޭނާ ފާހަގަ ކުރެވުނީ އޭރު ރައީސް ޔާމީނާ ވަރަށް އަރިސް ބޭފުޅެއްގެ ގޮތުގައެވެ.
ފަހުން އޭނާ ގުޅިވަޑައިގެންނެވީ ޖުމުހޫރީ ޕާޓީއާއެވެ. އެހެންމަވެސް، ޖުމުހޫރީ ޕާޓީގެ ރިޔާސީ ކެނޑިޑޭޓް ގާސިމް އިބުރާހިމްގެ ރިޔާސީ ކެމްޕޭން ހަރަކާތްތަކުން މިހާތަނަށް ފަލާހު ފެނިފައެއް ނުވެއެވެ.
ފަލާހު ގުޅިވަޑައިގަންނަވަނީ ކޮން ކެމްޕޭނަކާތޯ ސާފުކުރުމަށް ފޯނަށް ގުޅާލުމުން ޖަވާބު ނުދެއްވާތީ އެކަން އަދި ސާފުވެފައެއް ނުވެއެވެ.
One Response
މިވަގައް އެބަލް ގެނެވޭނި ކުރިން ލިބުނު އެތިކޮޅުހުސްވީ އެހެންވެ އަނެތްކާ ކުރިން އުޅުނު ގޮތައް އުޅެންނިންމީ