ސައުތުގެ ސްޕަސްޓާރު ރަޖްނީކާންތު ރާއްޖެ އަތުވެއްޖެއެވެ.
ރަޖްނީކާންތު އަކީ ދިވެހިންގެ މެދުގައިވެސް ވަރަށް މަގުބޫލު އެކްޓަރެކެ. ރަޖްނިކާންތުގެ އެކްޝަން ފިލްމް ތަކަކީ މަޝްހޫރު ފިލްމް ތަކެކެވެ
އެނގިފައިވާ ގޮތުގައި ދެކުނު އިންޑިއާގެ ފިލްމުތަކުގައި އެންމެ މަޝްހޫރު އެކްޓަރުންގެ ތެރޭގައި ހިމެނޭ ރަޖްނީކާންތު ރާއްޖެ އައީ ޗުއްޓީއަކަށެވެ. 72 އަހަރުގެ އެކްޓަރު ރާއްޖެ އައީ އިއްޔެ މެންދުރު ފަހުގެ ވަގުތެއްގައި ސްރީ ލަންކަން އެއާލައިންސްގެ ބޯޓެއްގަ އެވެ. އެ އެއާލައިންގެ ސޯޝަލް މީޑިއާގައި ވެސް ރަޖްނީކާންގެ ފޮޓޯތަކެއް ހިއްސާކޮށްފައިވެ އެވެ.
ދިވެހިންނަށްވެސް ފަރިތަ އެކްޓަރެއް ކަމަށްވާ ރަޖްނީކާންތު މިވަގުތު މަސައްކަތް ކުރަނީ އޭނާގެ ދަރިފުޅު — އައިޝްވާރިޔާ ރަޖްނީކާންތު ޑައިރެކްޓުކުރާ "ލާލް ސަލާމް" ގައެވެ.
އެ ފިލްމުގެ ޝޫޓިން ނިމުނީ މިދިޔަ ބުދަ ދުވަހުއެވެ. އެހެންވެ، ބެލެވޭ ގޮތުގައި، ރަޖްނީކާންތު ރާއްޖެ މި އައީ އެ ފިލްމުގެ މަސައްކަތަށް ފަހު އަރާމުކޮށްލުމަށެވެ. އޭނާއާ އެކު، އާއިލާގެ އިތުރު ބަޔަކު ރާއްޖެ އައި ކަމެއް ވެސް އަދި ނޭނގެއެވެ.
ކޮމެންޓު ފޮނުވާ