ކުރިއަށް އޮތް ޝާހުރުކް ހާންގެ އުންމީދީ ފިލްމް "ޖަވާން" ގެ ހާއްސަ ފެނިލުމެއްގައި ބޮލީވުޑްގެ ޒުވާން ބަތަލާ ކިއާރާ އަދުވާނީގެ ހާއްސަ ފެނިލުމެއް ހިމެނޭ ކަމަށް ރިޕޯޓްތައް ބުނެފި އެވެ.
ނަމަވެސް މި ވާހަކަ އަކީ ފިލްމް ގެ ޓީމުން އަދި ކަށަވަރު ކޮށްދީފައިވާ ހަބަރެއް ނޫނެވެ. މި ފިލްްމް އަކީ މިއަހަރުގެ ވަރަށް އުންމީދީ އަދި ގިނަ ބަޔަކު އިންތިޒާރު ކުރަމުން އަންނަ ފިލްމްއެކެވެ. އަނެއްކޮޅުން ކިއާރާ އަކީ މިހާރު ފިލްމް އިންޑަސްޓްރީގައި ވަރަށް ވިދާ ނަމެކެވެ.
View this post on Instagram
"ޖަވާން" އިން ފެންނާނެކަމުގެ ވާހަކަތަކެއް ދެކެވެން ފެށި އިރު، މި ފިލްމުގެ ހާއްސަ ފެނިލުންތަކުގައި ހިމެނޭ ތަރިންގެ ތެރޭގައި ދީޕިކާ ޕަދްކޯނާއި ސަންޖޭ ދަތުގެ އިތުރުން ތަމަޅަ އެކްޓަރު ވިޖޭ ހިމެނެ އެވެ.
މި ހަފްތާގެ ކުރީކޮޅުގައި މި ފިލްމްގެ ޓީޒާއެއް ވަނީ ދޫކޮށްލައިފައިއެވެ. އެއާއި އެކުގައި ގިން ބަޔަކު މިހާރު ތިބީ ފިލްމް ބަލައިލުމަށް ކެތް މަދުވެފައިއެވެ. ޓިޒާގައި ޝާހު ވަނީ ވަރަށް ތަފާތު ގޮތްގޮތަށް ފެނިގެން ގޮސްފައިއެވެ.
ޝާހްރުކް ޑަބަލް ރޯލަކުން ފެންނާނެ "ޖަވާން" ސިނަމާތަކަށް ގެންނަން ނިންމާފައި އޮތީ ސެޕްޓެމްބަރު 7 ގަ އެވެ. އޭނަގެ ރެޑް ޗިލީޒް އެންޓަޓައިންމަންޓުން ޕްރޮޑިއުސްކޮށްފައިވާ ފިލްމުގެ ޑައިރެކްޓަރަކީ އެޓްލީ އެވެ. "ޖަވާން" ގެ ކާސްޓްގައި ވިޖޭ ސެތުޕަތީ، ސާނިއާ މަލްއުތުރާ، ސުނިލް ގްރޯވާ، ޕްރިޔާމަނީ، ޔޯގީ ބާބޫ، ރިދިމާ ޑޮގްރާ އަދި އާސްތާ އަގަރްވާލް ހިމެނެ އެވެ.
