ސެޕްޓެމްބަރު މަހުގެ 9 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި ވެރިކަން ކުރާ މައި ޕާޓީގެ ކޯލިޝަނުން ވާދަކުރާ ރައީސް އިބްރާހިމް މުހައްމަދު ޞާލިހުގެ ކެމްޕެއިން ފެށުމަށް ކޯލިޝަން ލީޑަރުން ށ.އަތޮޅަށް ފުރާވަޑައިގެންފިއެވެ.
މިދަތުރުގައިި، ބައިވެރިވި ބޭފުޅުންގެ ތެރޭގައި، އެމްޑީއޭގެ ލިޑަރު އަހުމަދު ސިޔާމް މުހައްމަދާއި، އަދާލަތު ޕާޓީގެ ރައީސް އިމްރާނާއި، ފޮރިން މިނިސްޓަރ ޝާހިދާއި، ރައީސް ޞާލިހު ހިމެނި ވަޑައިގަންނަވައެވެ. ކެމްޕޭނުގެ ފުރަތަމަ ދަތުރުފުޅަށް ރައީސް ފުރާވަޑައިގެންނެވީ މިއަދު ހެދުނުއެވެ. މި ދަތުރުފުޅުގައި ރައީސް ށ. އަތޮޅު ކޮމަންޑޫ، މަރޮށި، ނޫމަރާ އަދި ފޯކައިދޫ އަށް ވަޑައިގަތުމަށް ހަމަޖެހިފައިވާ ކަމަށް އެމްޑީޕީން ވަނީ ބުނެފައެވެ.
ރިޔާސީ އިންތިޚާބުގައި އެމްޑީޕީގެ ފަރާތުން ވާދަކުރައްވާނެ ކެނޑިޑޭޓެއް ކަނޑައަޅުއްވާފައިވަނީ އެޕާޓީގެ ތެރޭގައި ބޭއްވު ރިޔާސީ ޕްރައިމަރީއަކުންނެވެ. މިއީ މިފަހަރުގެ ރިޔާސީ އިންތިޚާބުގައި އެތެރޭގެ ޕްރައިމަރީއަކުން ރިޔާސީ ކެނޑިޑޭޓަކު ކަނޑައެޅި ފުރަތަމަ ޕާޓީވެސް މެއެވެ.
ރިޔާސީ އިންތިހާބުގެ ކެމްޕެއިނަށް ރަައީސް @ibusolih މިލަދުންމަޑުލު އުތުރުބުރީ ކޮމަންޑޫ، މަރޮށި، ނޫމަރާ އަދި ފޯކައިދުއަށް ފުރާވަޑައިގަންނަވައިފި.
#Ibu2023
#VoteMDP
#UfaaveriAmaanRaajje pic.twitter.com/LXhErfwLiO— MDP Secretariat (@MDPSecretariat) July 9, 2023
އެމްޑީޕީއާއި އެޕާޓީގެ ތެރެއިން އުފެދުނު ޑިމޮކްރެޓްސްގެ އިތުރުން ދެން ރިޔާސީ އިންތިހާބުގައި ވާދަކުރާނެކަން އިއުލާންކޮށްފައިވަނީ ޕީޕީއެމް ކޯލިޝަނުން ކުރީގެ ރައީސް ޔާމީނާއި، ޖޭޕީން އެ ޕާޓީގެ ލީޑަރު ގާސިމް އިބްރާހިމް، އެމްއެންޕީން އެ ޕާޓީގެ ރައީސް މުހައްމަދު ނާޒިމްގެ އިތުރުން ކުރީގެ ބަންޑާރަނައިބު ޑރ. މުހައްމަދު މުނައްވަރު އަދި ކުރީގެ ހޯމް މިނިސްޓަރު އުމަރު ނަސީރެވެ.
ރައީސްގެ ޢަމާޒަކީ ރިޔާސީ އިންތިޚާބުގެ ކުރިން ރާއްޖޭގެ މީހުން ދިރިއުޅޭ ހުރިހާ ރަށަކަށް ވަޑައިގެން ކެމްޕެއިން ހަރަކާތްތައް ކުރިއަށް ގެންދިއުމެވެ.
