އެމްޑީޕީގެ މައި ހަރުގޭގެ ގޮތުގައި ބޭނުން ކުރަމުންދިޔަ ހަރުގެ ދަ ޑިމޮކްރެޓްސް ހަރުގެއަށް ބަދަލުކޮށް ރަސްމީކޮށް، ހައުސް އޮފް ޑިމޮކްރެޓްސް ހުޅުވުން މާދަމާ ރެއަށް ހަމަޖައްސައިފިއެވެ.
މާދަމާރޭ ހައުސް އޮފް ޑިމޮކްރެޓްސް ހުޅުވައި ދެއްވާނީ އެމްޑީޕީގެ ކުރީގެ ރައީސް އަދި ދަ ޑިމޮކްރެޓްސް އުފެއްދުމުގެ ފަހަތުގައި ހުންނެވި ރައީސް މުހައްމަދު ނަޝީދެވެ. މާދަމާރޭ ހަރުގެ ހުޅުވައި ދެއްވުމަށްފަހު ރައީސް ނަޝީދު ވާހަކަ ދައްކަވާނެއެވެ. މިއީ މިފަހުން އެމްޑީޕީގެ ކުރީގެ މައި ހަރުގޭގެ ގޮތުގައި ބޭނުން ކުރަމުންދާ ތަނުގައި ރައީސް ނަޝީދު ވާހަކަ ދައްކަވާ ފުރަތަމަ ފަހަރެވެ.
ރައީސް ނަޝީދު ވަނީ ޑިމޮކްރެޓްސް އުފެއްދުމަށް ބޭއްވި ޖަލްސާގައިވެސް ވާހަކަ ދައްކަވާފައެވެ. ރައީސް ނަޝީދު ވިދާޅުވެފައިވަނީ އެމަނިކުފާނަށް ތާއީދު ކުރައްވާ ބޭފުޅުންތަކެއް އިސްކޮށް ތިއްބަވައި އުފައްދަވަން މަސައްކަތް ކުރައްވާ ދަ ޑިމޮކްރެޓްސްއާ ގުޅިވަޑައިގަންނަވާނެ ކަމީ ޝައްކު ހިނގާ ކަމެއް ނޫން ކަމަށެވެ.
ހައުސް އޮފް ޑިމޮކްރެޓްސް ހުޅުވުން ރައީސް @MohamedNasheed އާއެކު 🎙️
ޕާޓީގެ އެންމެހައި މެންބަރުންނާއި ސަޕޯޓަރުންނަށް ދަޢުވަތު އަރުވަން.
9 ޖުލައި 2023
20:30 ގައި
ހ. ވެޔޮވިލާ – އާޓިފިޝަލް ބީޗް ކުރިމަތިން#WeTheDemocrats pic.twitter.com/sfrhmhpnBk— The Democrats (@TheDemocratsMV) July 8, 2023
ޑިމޮކްރެޓްސް އުފެދެން ޖެހުނީ އެމްޑީޕީގައި ރައީސް ނަޝީދާއި ރައީސް އިބްރާހިމް މުހައްމަދު ސޯލިހަށް ތާއިދު ކުރައްވާ ބޭފޫޅުންނާއެކު ޕާޓީ ދެ ބައިވުމުންނެވެ.
އެމްޑީޕީން 12 މެމްބަރުން މަޖިލީހުން ވަކިވެ ޑިމޮކްރެޓްސްއާ ގުޅިވަޑައިގެންފައިވާ އިރު ޑިމޮކްރެޓްސްއަކީ މިހާރު މަޖިލީހުގެ މައިނޯރިޓީ ޕާޓީވެސް މެއެވެ. ނަޝީދު ވިދާޅުވީ ދަ ޑިމޮކްރެޓްސްއަކީ އެމްޑީޕީގެ އެއް ބައި ކަމަށާއި އެ ޕާޓީއާ ގުޅިވަަޑައިގެންނެވީ އެމްޑީޕީން ވަކި ވެގެން އައި ބައެއް ކަމަށެވެ.
