"ދަ ޑިމޮކްރެޓްސް" އުފެއްދުމުގެ ޖަލްސާ ފަށައިފިއެވެ.
ޖަލްސާ މިރޭ ފަށާފައިވަނީ، 486 މެމްބަރުންނާއިއެކުގައި ކަމަށް ޖަލްސާ ތަޢަރަފް ކުރައްވަމުން ހަސަން ލަތީފް ވިދާޅުވިއެވެ. މިޖަލްސާގައި ރައީސް ނަޝީދާއި، އެމްއެންޕީއާއި، ޕީޕީއެމް، ޕީއެންސީގެ އިސްވެރިން ބައިވެރިވެއެވެ.
މިޖަލްސާ ތަޢާރަފް ކުރައްވަމުން ހަސަން ލަތީފް ވިދާޅުވި މިރޭގެ ޖަލްސާގައި ޕާޓީގެ ލޯގޯއާއި، އަސާސީ ގަވާއިދާއި، ކުލަ ފާސް ކުރެވޭނެކަމަށެވެ. އަދި އެޕާޓީ އުފައްދަވަން ޖެހުނީ އެމްޑީޕީ މަގުން ކަސިޔާރުވެ، ކޮރަޕްޝަނާއި ފަސާދައަށް ދިއުމުން ކަމަށެވެ.
"ދަ ޑިމޮކްރެޓްސް"ގެ ނަމުގައި ސިޔާސީ ޕާޓީއެއް އުފެއްދުމުގެ ހުއްދަ އިލެކްޝަންސް ކޮމިޝަނުން ދެއްވާފައިވަނީ މެއި މަހުގެ 24 ވަނަ ދުވަހު ހެންވޭރު ހުޅަނގު ދާއިރާގެ މެންބަރު ޙަސަން ލަތީފަށެވެ. ޕާޓީ އުފެއްދުމަށް 3،600 މީހުންގެ ފޯމާއިއެކު އިލެކްޝަނަށް ހުށަހެޅީ މިދިޔަ ޖޫން މަހުގެ ފުރަތަމަ ދުވަހުއެވެ.
🙋🏾♂️🙋🏽#WeTheDemocrats https://t.co/E9eL6so5IN pic.twitter.com/rNXhOucjGL
— The Democrats (@TheDemocratsMV) July 5, 2023
ދަ ޑިމޮކްރެޓްސްގެ ނަމުގައި ސިޔާސީ ޕާޓިއެއް އުފެއްދުމުގެ ހުއްދައަށް އިލެކްޝަންސް ކޮމިޝަންގައި އެދުނީ މިދިޔަ ޖޫން މަހުގެ ފުރަތަމަ ދުވަހުއެވެ. ދަ ޑިމޮކްރެޓްސްގެ ފަރާތުން ވަނީ އެޕާޓީ އިލެކްޝަންސް ކޮމިޝަންގައި ރަޖިސްޓްރީކުރުން އަވަސްކުރުމަށް މަސައްކަތްކުރަމުން އަންނަކަމަށް ބުނެފައެވެ. އަދި އެޕާޓީގެ ފަރާތުން ކުރިއަށް އޮތް ރިޔާސީ އިންތިޚާބުގައި ކެނޑިޑޭޓަކު ވާދަކުރާނެކަމަށްވެސް އެޕާޓީ އުފެއްދުމުގައި އިސްކޮށް މަސައްކަތްކުރައްވާ ޙަސަން ލަޠީފް ވަނީ ވިދާޅުވެފައެވެ.
