އެމްޑީޕީގެ ކުރީގެ ރައީސް މުހައްމަދު ނަޝީދު އިސްވެ ހުންނަވާ އުފައްދާ "ދަ ޑިމޮކްރެޓްސް" އަކީ ކައުންޓު ކުރާ ޕާޓީއެއް ނޫންކަމަށާއި، އެމްޑީޕީއާއި ވާދަކުރެވޭނީ އިދިކޮޅު ޕީޕީއެމްއަށް އެކަނިކަމުގައި ރައްޔިތުންގެ މަޖިލިހުގެ ކުރީގެ ނާއިބު ރައީސް ރީކޯ މޫސާ މަނިކު ވިދާޅުވެއްޖެއެވެ.
އޮންލައިން މީޑިއާއަކުން ގެނައި ޕްރޮގްރާމެއްގައި ވާހަކަ ދައްކަވަމުން މުސަ ވިދާޅުވީ ނަޝީދުގެ ޑިމޮކްރެޓްސްއަކީ އެމްޑީޕީއަށް އޮތް ޗެލެންޖެއް ނޫން ކަމުގައެވެ. އަދި އެމްޑީޕީން ވަކިވެގެންދިޔަ ބަޔަކަށް އެމްޑީޕީގެ ފިކުރު ނުދިރުވޭނެކަމަށާއި އެމްޑީޕީގެ ފިކުރަކީ ރާއްޖޭގެ ރައްޔިތުން ބަލައިގެންފައިވާ ފިކުރެއްކަމުން އެ ފިކުރު ދިރުވޭނީ ހަމައެކަނި އެމްޑީޕީއަށް ކަމަށްވެސް މޫސަ ވިދާޅުވިއެވެ.
މޫސަ އިތުރަށް ވިދާޅުވީ ނަޝީދަށް ދެން އެމްޑީޕީއަށް އެނބުރި އައުމުގެ ފުރުސަތެއް ނޯނާނެ ކަމަށާއި، ނަޝީދަށް އެމްޑީޕީން ދެން ފުރުސަތު ދީފިނަމަ އޭނާ އެމްޑީޕީގައި ނުހުންނާނެ ކަމުގައެވެ. މޫސަ އިތުރަށް ވިދާޅުވީ ނަޝީދަށް ދިމާވެފައިވަނީ ދެރަ ހާލަތެއް ކަމަށާއި، ނަޝީދަށް ދެން ބޮޑުވަޒީރުކަމަށްވެސް އަދި ރާއްޖޭގެ ވެރިކަމަކަށްވެސް ވަޑައި ނުގެންނެވޭނެ ކަމުގައެވެ. އަދި ނަޝީދަށް އޮތް އެންމެ ރަގަޅު ގޮތަކީ ރައީސް ސާލިހާއެކު ހުންނަވާ ރަގަޅުގޮތެއް ހޯއްދެވުންކަމަށްވެސް މޫސަ ވިދާޅުވިއެވެ.
މޫސަ ވިދާޅުވީ ކުރިޔަށް އޮތް ރިޔާސީ އިންތިޚާބު ކާމިޔާބު ކުރައްވާނީ ރައީސް ސޯލިހު ކަމަށާއި، "ދަ ޑިމޮކްރެޓްސް"އަށް ނަޝީދު ސޮއިކުރުން ވެގެންދާނީ އޭނާގެ ސިޔާސީ ހަޔާތް ކަފުން ކުރުން ކަމުގައެވެ.
