މިދިޔަ އެޕްރީލް މަހުގެ ފަހުކޮޅު އޮލިމްޕަސް ސިނަމާގައި އެޅުވި ކޮމެޑީ ފިލްމު "ވަނާޖުބޭސާ" ބައިސްކޯފަށް ގެންނަން ނިންމިކަން މީގެ ދުވަސްކޮޅެއް ކުރިން އިއުލާން ކޮށް އެ ފިލްމްގެ ޓްރެއިލާ ކަމިންގ ސޫން ކަމަށް ބުނެ ގެންނަމުން ދާތާ މިހާރު ދުވަސްކޮޅެއް މިވަނީވެފައިއެވެ.
ވިޝާލް ޒަކީ ޑައިރެކްޓްކުރި ސްޓްރީމިން އަށް ދޫކޮށްލަން ނިންމިކަން އިއުލާންކުރީ މިދިޔަ މަހުގެ ތެރޭގައި އިއުލާން ކުރި ނަމަވެސް ވަކި ތާރީހެއް އޭރު ބުނެފައި ނުވެއެވެ. ނަމަވެސް މިހާރު ފިލްމް ޕްރިމިއާ ކުރާ ތާރީހް މިވަނީ ލިބިފައިއެވެ. އެގޮތުން "ވަނާޖުބޭސާ" މި އަހަރުގެ މިނިވަން ދުވަހާ ދިމާކޮށް މި މަހުގެ 26 ގައި ބައިސްކޯފުން ޕްރީމިއާކުރާ ގޮތަށް ނިންމައި މިވަނީ އިއުލާން ކޮށްފައިއެވެ.
ބެލުންތެރިންގެ ބޮޑު ތަރުހީބެއް ލިބުނު "ވަނާޖުބޭސާ" ގެ މައިގަނޑު ތަރިންނަކީ ޓީވީ އިޝްތިހާރުތަކުންނާއި ސޯޝަލް މީޑިއާ ޕްލެޓްފޯމްތަކުން ވެސް އާންމުކޮށް އެކީގައި ފެންނަ ނަޒީރު ޝިހާމު (ކާއްޓޭ ޑިވާންޗޯ) އާއި ކޮމީޑިއަން ހުސައިން ސާދު (މަޓޭ) އެވެ.
View this post on Instagram
އަލަށް ފީޗާ ފިލްމެއް ގެނެސްދޭ ޑައިރެކްޓަރު ޓްވިޝާލް ޒަކީ ހަދާފައިވާ މި ފިލްމުގެ ކާސްޓަކީވެސް މި ދާއިރާއަށް މުޅިން އަލަށް ނިކުންނަ ކާސްޓެކެވެ. ފިލްމް ރިލީޒް ކުރީ އެޕްރިލް މަހުގެ 25 ވަނަ ދުވަހުގައިއެވެ.
"ވަނާޖުބޭސާ" އަކީ ވަރަށް ގިނަ ޓީވީ އިޝްތިހާރުތަކުން ވެސް ފެނިފައިވާ މަޝްހޫރު ކޮމީޑިއަން އަދި ކާއްޓޭ ޑިވާންޝޯގެ ނަމުން މަޝްހޫރު ނަޒީރު ޝިހާމާއި ކޮމީޑިއަން ހުސައިން ސާދު (މަޓޭ) މައިގަނޑު ރޯލުތައް ކުޅެފައިވާ އެއްޗެކެވެ. މީގެ ކާސްޓްގައި މުހައްމަދު ސައީދުގެ އިތުރުން އައިޝަތު ރިޝްމާ، އަހުމަދު ޝަކީބު، އައިޝަތު ޝިރާނީ، ޖަލްވާން މުހައްމަދު އަދި ހަދީޖާ އަލީ ހިމެނެ އެވެ.
"ވަނާޖުބޭސާ" އަކީ ވިޝާލް އާއި ކާއްޓޭގެ ސްކްރީންޕްލޭއަކަށް ހަދާފައިވާ އެއްޗެކެވެ.
