މާލޭގެ ގެއެއްގައި ހުރި ދަގަނޑު ހޮޅިތަކެއް ވަގަށް ނެގި ދެމީހުން ހޯދަން ފުލުހުން އިއުލާނު ކޮށްފިއެވެ.
ސީސީޓީވީ ފުޓެޖާއިއެކު އާންމުކޮށް، ފުލުހުން ކުރި އިއުލާނުގައި ބުނެފައިވަނީ، އެދެމީހުން މިހާތަނަށް ދަނެގަނެވިފައިނުވާ ކަމަށާއި އެނގޭ މީހަކު ހުރި ނަމަ އެ އިދާރާއަށް އެކަން އެންގުމަށް އެދޭ ކަމަށެވެ.
ފުލުހުން އާންމު ކުރި ވީޑިއޯއިން ފެންނަނީ ދެ މީހަކު ގެއަކުން ދިގު ދަގަނޑު ހޮޅިއެއް ގެއަކުން ނެރެގެން ގެންދާ މަންޒަރެވެ. މިދެމީހުން ހޮޅި ހިފައިގެން ދިޔައިރު އެތަނުގައި މީހަކު ފޯނެެއްގައި އިނެވެ. އަދި ބޭރު ދެ އަންހެނަކު އެސަރަހައްދުނން ހުރަސް ކުރާތަންވެސް ފެނެއެވެ.
The Maldives Police Service is seeking your assistance in identifying and locating two individuals captured on CCTV footage. These individuals are believed to be involved in a case of theft, where four steel poles were stolen from a house in Maafannu district of Male'. pic.twitter.com/ELOyN8vIM8
— Maldives Police (@PoliceMv) July 3, 2023
ފުލުހުންގެ ތަފާސްހިސާބުތަކުން ދައްކާ ގޮތުގައި މިއަހަރުގެ މިހާތަނަށް އެންމެ ގިނައީ ވައްކަމުގެ މައްސަލަތަކެވެ. އެފަދަ 1516 މައްސަލައެއް ފުލުހުންނަށް މިހާތަނަށް ހުށަހަޅާފައިވެއެވެ.
ކޮމެންޓު ފޮނުވާ