ރާއްޖޭގެ ހުރިހާ ރަށަކަށް ބޭނުންވާ ތަރައްޤީ އެއްވެސް ތަފާތުކުރުމެއްނެތި ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު ގެނެސްދެއްވައިފިކަން ރައްޔިތުން ގަބޫލު ޤަބޫލުކުރާކަމަށް ރައްޔިތުންގެ މަޖިލީހުގެ ބާރަށު ދާއިރާގެ މެމްބަރު އަހުމަދު ވިދާޅުވެއްޖެއެވެ.
ރާއްޖޭގެ ތަރައްޤީއަށް ސަރުކާރުން ކުރަމުންދާ މަސައްކަތްތަކާއި ގުޅޭގޮތުން އަހުމަދު ވިދާޅުވީ ސަރުކާރުނން ރާއްޖޭގެ އެއްވެސް ރަށެއް އެއްވެސް ބަޔަކު ތަފާތު ކުރުމެއްނެތި ހަމަހަމަ އުސޫލުން މުޅި ރާއްޖެއަށް ތަރައްޤީ ގެނެސްދެމުންދާކަމަށެވެ. މިކަން ދިވެހި ރައްޔިތުން އަދި ކުދި އާބާދީތަކުން އުފަލާއިއެކު ބަލައި ގަންނަކަމަށް އަހުމަދު ވިދާޅުވިއެވެ.
ރާއްޖެއަށް އަންނަމުންދާ ތަރައްޤީ ރާއްޖޭގެ ރައްޔިތުންނަށް އުފަލާއިއެކު ބަލައިގަނޭ. ޚާއްސަކޮށް ކުދި އާބާދީތައް ތަފާތު ނުކުރުމަކީ ފާހަގަ ކޮށްލެވޭ ކަމެއް.
– އަހުމަދު ވިދާޅުވިއެވެ.
ރާއްޖޭގެ ހުރިހާ ރައްޔިތުންނަށް އެއްވެސް ފަތާތު ކުރުމެއްނެތި ޚިދުމަތް ދިނުމަކީ ސަރުކާރުން ރައްޔިތުންނަށް ވެފައިވާ ވައުދުތަކަށްވުރެ މާބޮޑު ވަޢުދެއްކަމުގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވަނީ ވިދާޅުވެފައެވެ.
ސަރުކާރުން ރައްޔިތުންނަށް ވެފައިވާ ވައުދުތައް ފުއްދުމުގައި އަބަދުވެސް ގެންގުޅޭނެ ސިޔާސަތަކީ އެއްވެސް ތަފާތުކުރުމެއްނެތި ކޮންމެ ރަށަކަށްވެށް ބޭނުންވާ ހައްގުތައް ކަށަވަރު ކޮށްދެއްވުންކަމަށް ރައީސް ވިދާޅުވިއެވެ. އަދި މިހާތަނަށް ސަރުކާރުން ވެފައިވާ ވައުދުތައް ފުއްދުމުގެ މަސައްކަތް ހުއްޓުމެއްނެތި ކުރާއިރު، ގެންގުޅޭ އެންމެ މުހިންމު ސިޔާސަތަކީވެސް ތަފާތުނުކޮށް ޚިދުމަތް ދިނުންކަމަށް ރައީސުލްޖުމްހޫރިއްޔާ ވިދާޅުވިއެވެ.
