ޑޯޓްމަންޑްއިން ދެވަނަބުރު ޔަގީންކޮއްފި

ޔުއެފާ ޗެމްޕިއަންސް ލީގުގެ ގަދަ ސޯޅައިން ޖަރުމަނުގެ ބްރޫޝިޔާ ޑޯޓްމަންޑް ޖާގަހޯދައިފިއެވެ.

މުބާރާތުގެ ދެވަނަ ބުރަށް ޑޯޓްމަންޑް ދިޔައީ އަމިއްލަދަނޑުގައި އިޓަލީ ލާޒިޔޯ ދެކޮޅަށް ކުޅުނު މެޗު 1-1 ލަނޑުން އެއްވަރުކޮއްގެންނެވެ. މެޗުގައި ފުރަތަމަހާފްގެ ފަހު މިނުޓުގައި ޑޯޓްމަންޑްގެ ރަފޭލް ގުއިރެރޯ ލަނޑެއް ޖަހާ ކުރި ހޯދައިފަ ވަނިކޮށް ދެވަނަހާފްގައި ލިބުނު ޕެނެލްޓީއަކުން ލާޒިޔޯ އަށް ނަތީ ހަމަހަމަކޮއްދިނީ ޗިރޯ އިމޮބެލީއެވެ. މިއީ އޭނާ އިޓަލީ އާއި ލާޒީޔޯ މި އަހަރު ޖެހި 29 ވަނަ ލަނޑެވެ. މުބާރާތުގައި އެންމެފަހުން ޑޯޓްމަންޑް ދަނޑުގައި ކުޅުނު ހަތަރު މެޗުގައި ވެސް އިމޮބެލީ ވަނީ ލަނޑުޖަހާފައެވެ.

ގުރޫޕްގައި ބުރޫޖް ވަނީ ޒެނިތް އަތުން 3-0 ލަނޑުން މޮޅުވެފައެވެ. މި ނަތީޖާއެކު މުބާރާތުގެ ދެވަނަ ބުރަށް ޑޯޓްމަންޑް ދިޔައީ ފަސްމެޗުން ހޯދި 10 ޕޮއިންޓާއެކުއެވެ. ފަސްމެޗުން 9 ޕޮއިންޓް ހޯދައިގެން ގުރޫޕްގެ ދެވަނަގައި އޮތީ ލާޒިޔޯއެވެ. ބުރޫޖް ފަސްމެޗުން ލިބުނީ 7 ޕޮއިންޓެވެ. ފުލަގައި ޒެނިތް އޮތީ އެންމެ ޕޮއިންޓަކާއެކުއެވެ.