ގއ. ވިލިނގިލިން ގެއްލިގެން ހޯދަމުންދިޔަ މީހާ ފެނިއްޖެއެވެ.
މިދިޔަ ބުރާސްފަތި ދުވަހުން ފެށިގެން ގެއްލިގެން ހޯދަމުން ދިޔައީ އެ ރަށު ރަތްވިލާގެ އައްސަދު އަހުމަދެވެ. ފުލުހުންގެ މީޑިއާ އޮފިޝަލު ވިދާޅުވީ އައްސަދު ރޭ ދަންވަރުގެ ވަގުތެއްގައި އޭނާގެ ގެއަށް ގޮސްފައިވާ ކަމަށެވެ. އަދި އައްސަދުގެ ހާލު ރަނގަޅު ކަމަށް ވެސް މީޑިއާ އޮފިޝަލް ވިދާޅުވިއެވެ.
އައްސަދު އާއިލާ އަށް ހަބަރު ނުވެ އުޅުނު ތަނެއް ސާފެއް ނޫނެވެ. އައްސަދު ގެއްލިގެން ވިލިނގިލީ ރައްޔިތުންނާއި ފުލުހުން އޭނާ ހޯދުމަށް ވަރަށް ގިނަ މަސައްކަތްތައް ކުރިއެވެ. ފޯނުން ލޮކޭޝަން ޓްރޭސްކޮށް ބަލަން ޖެހޭ ސަރަހައްދުތައް ވެސް ބެލިއެވެ.
އައްސަދު އަކީ އަމިއްލަ ފިހާރައަކާއި ކޮންސްޓްރަކްޝަންގެ ވިޔަފާރި ކުރަމުންދާ މީހެކެވެ.
ކޮމެންޓު ފޮނުވާ