އއ. ރަސްދޫގެ ފެނުގެ ޙިދުމަތުގެ ފެންވަރު ރަނގަޅު ކުރުމަށް 100 ޓަނުގެ އިތުރު އާރްއޯ ޕްލާންޓެއް ބަހައްޓައިފި އެވެ.
ސްޓެލްކޯ އިން މަޢުލޫމާތުދޭ ގޮތުގައި އެ ރަށުގައި އިތުރުވަމުންދާ ފެނުގެ ޑިމާންޑަށް ކޭޓާ ކުރުމަށާއި، ރަސްދޫގެ ރައްޔިތުންނަށް ފެންވަރު ރަނގަޅު، ފުރިހަމަ ހިދުމަތެއް ދިނުމަށްޓަކައި، އެ ރަށުގައި އިތުރު 100 ޓަނުގެ އާރުއޯ ޕްލާންޓެއް ބެހެއްޓުމާ ގުޅިގެން މިހާރު އެ ރަށުގައި ފެން އުފެއްދުމުގެ ޖުމްލަ ކެޕޭސިޓީ 160 ޓަނަށް އިތުރު ކުރެވިފައިވާ ކަމަށެވެ.
މި ޕްލާންޓަކީ ސްޓެލްކޯގެ މުވައްޒަފުން އޭގެ ކޮމިޝަނިން ހުރިހާ މަސައްކަތެއްކޮށް އޮޕަރޭޝަނަށް ގެނައި ފުރަތަމަ ޕްލާންޓް ވެސް މެ އެވެ.
އެހެންވެ ކުންފުނީގެ މެނޭޖިން ޑިރެކްޓަރު އަހުމަދު ޝަރީފް ވަނީ މި މަސައްކަތުގައި އުޅުނު ކުންފުނީގެ ފެނާއި ނަރުދަމާ އަދި ވޭސްޓް މެނޭޖްމަންޓު ޑިޕާޓްމަންޓުގެ މުވައްޒަފުންނާއި، ބައްދަލުކުރައްވައި މުވައްޒަފުންގެ މަސައްކަތަށް ހިތްވައރު ދެއްވއިގަ އެވެ.
