ރައްޔިތުންގެ މަޖިލިހުގައި ރައީސް ސާލިހު މިއޮތީ މަރުތަޅު އަޅުވާފަ ކަމުގައި ރައްޔިތުންގެ މަޖިލިހުގެ ރައީސް މުހައްމަދު ނަޝީދު ވިދާޅުވެއްޖެއެވެ،
ނަޝީދުގެ ނުރަސްމީ ޓުވިޓަރ އެކައުންޓުން ކުރެއްވި ޓުވީޓެއްގައި ވިދާޅުވީ، މަޖިލިސް ކުރިޔަށް ނުގެންދެވޭނެހެން ހުއްޓުވާފައިވަނީ، ކުރިޔަށް އޮތް ރިޔާސީ އިންތިޚާބަށް ކަމަށާއި އެކަން ކޮށްފައިވަނީ މާ ހީލަތްތެރި ގޮތަކަށް ކަމަށެވެ.
“Raees IMS mi vanee Majlis gai Maru Thalhu alhuvaafa”. Mi faharu Riyaasee inthikhaab ah Majlis huhtuvaa milee maa heelai theyri gothakah.
— MN unofficial (@anedhivehirajje) June 8, 2023
މަޖިލިސްގަ މަރުތަޅު އަޅުވާފައިވާކަމަށް ނަޝީދު ވިދާޅުވެފައިވާއިރު، މިއަދު ރައްޔިތުންގެ މަޖިލިހުގައި ވާހަކަ ދައްކަވަމުން މަޖިލިސް ނާއިބު ރައީސް އިވާ ވިދާޅުވެފައިވަނީ މަޖިލިހުގެ ރައީސްއާއި ނާއިބު ރައީސްގެ އިތުބާރު ނެތްކަމުގެ މައްސަލަ އެއްފަހަރާ ވައްދަން ރައްޔިތުންގެ މަޖިލިހުގެ ގަވާއިދު ތަން ނުދޭ ކަމުގައެވެ.
އީވާ ވިދާޅުވީ މަޖިލިސް ރައީސްގެ އިތުބާރު ނެތްކަމުގެ މައްސަލަ ކުރިޔަށް ދާއިރު ރިޔާސަތު ބެލެހެއްޓޭނީ ނާއިބު ރައީސަށް ކަމަށާއި، ނާއިބު ރައީސްގެ ނޯކޮންފިޑެންސް މޯޝަންގައު ރިޔާސަތު ބެލެހެއްޓޭނީ ރައީސަށް ކަމުގައެވެ. އޭނާ ވިދާޅުވީ އެހެންނަމަވެސް ރައީސާއި ނާއިބު ރައީސްގެ އިތިބާރު ނެތްކަމުގެ މައްސަލަ އޮއްވާ މަޖިލިހުގައި އެހެން އެއްވެސް މައްސަލައެއް ކުރިޔަށް ނުދާނޭކަން އެގިތިބި، ދެ ބޭފުޅުންގެ އިތުބާރު ނެތްކަމުގެ މައްސަލަވެސް މަޖިލީހަށް ހުށަހެޅުއްވީ ރިޔާސީ އިންތިޚާބު ކުރިަޔށް އޮއްވާ ސަރުކާރު ޒިންމާދާރު ނުކުރެވޭ ގޮތަށް ސަރުކާރުން މަޖިލިހުގައި މަރުތަޅު އަޅުވަން ބޭނުންވާތީ ކަމުގައެވެ.
އަދި އޭނާ ވިދާޅުވީ މަޖިލިހުގައި މިހާލަތުގައި މަރުތަޅު އެޅުވޭނެކަން، ރައީސް ސާލިހަށާއި އެމްޑީޕީގެ ޕީޖީ ލީޑަރ އަސްލަމަށް ރަގަޅަށް އެނގިވަޑައިގަންނަވާނޭ ކަމުގައެވެ. ސަބަބެއްކަމުގައި އޭނާ ވިދާޅުވީ، ސިސްޓަމްގައި މިހާރު ތިއްބެވި ޕާލަމެންޓްރީ ޕްރޮސީޖާއަށް އެންމެ ފަރިތަ ދެބޭފުޅުންނަކީވެސް އެ ދެބޭފުޅުންނަށް ވާތީ ކަމުގައެވެ.
ގިނަ ބަޔަކު ގަބޫލު ކުރާގޮތުގައި، މިމަހަށްފަހު މަޖިލިސް ރިސެސްއަށް ދާތީ، މަޖިލިހަށް މިހާރު ހުށަހެޅިފައިވާ، މަޖިލިސް ރައީސްގެ ނޯ ކޮންފިޑެންސް މޯޝަން ކުރިޔަށް އޮތް ރިޔާސީ އިންތިޚާބުގެ ކުރިން ދެން ކުރިޔަށް ނުދާނޭ ކަމުގައެވެ.
