މި މަހުގެ ނިޔަލަށް އޭސީ މިލާނުގެ ކޮންޓްރެކްޓްގައި ހުރި ޒަލަޓާން އިބްރަހިމޮވިޗް، އެ ޓީމާ އެކު އާ އެއްބަސްވުމެއް ނަހަދައި، ޓީމު ދޫކޮށްލަން ތައްޔާރުވެއްޖެއެވެ.
އެ ގޮތުން، އިބްރަހިމޮވިޗް މިލާނާ އެކު ނުކުންނާނެ ފަހު މެޗަކީ އިޓާލިއަން ލީގުގައި މިއަދު ހެލަސް ވެރޯނާއާ ކުޅޭ މެޗެވެ. އުމުރުން 41 އަހަރުގެ އިބްރަހިމޮވިޗް، އަލުން މިލާނަށް ބަދަލުވީ 2019 ވަނަ އަހަރު ޑިސެމްބަރު މަހުގަ އެވެ. މިލާނުން މިިިދިޔަ ސީޒަނުގައި އިޓާލިއަން ލީގުގެ ޗެމްޕިއަންކަން ހޯދިއިރު، މުހިންމު ވަގުތުތަކުގައި އިބްރަހިމޮވިޗްގެ ތަޖުރިބާގެ ބޭނުންކޮށްގެން މެޗުތަކުގެ ނަތީޖާ ނެރެފައިވެއެވެ.
މިލާނުން ހާމަކުރިގޮތުގައި މިއަދުގެ މެޗަށް ފަހު އިބްރަހިމޮވިޗްއަށް އަލްވަދާއު ކިޔުމަށް ކުޑަ ރަސްމިއްޔާތެއް ދަނޑުގައި ބާއްވާނެކަމަށެވެ. އަދި ކްލަބުންވަނީ އިބްރަހިމޮވިޗް މިލާން އަށް ކޮށްދީފައިވާ އަގުހުރި ހިދުމަތަށް ވަރަށް ބޮޑަށް ޝުކުރު އަދާ ކޮށްފައެވެ. އިބްރަހިމޮވިޗް މިލާނާއި އަލުން ގުޅިފައިވަނީ 2019 ވަނަ އަހަރުއެވެ. އަދި މިދިޔަ ސީޒަންގައި މިލާނުން ސެރީއާގެ ތަށި އުފުލާލުމުގައި އިބްރަހިމޮވިޗް ވަނީ މުހިންމު ދައުރެއް އަދާކޮށްފައެވެ.
ނަމަވެސް މިސީޒަންގައި އޭނާއަށް ކުރިމަތިވެފައިވާ އަނިޔާގެ ގިނަ މައްސަލަތަކާ ހުރެ މިހާތަނަށް ކުލެފައިވަނީ ހަތަރު މެޗްގައެވެ. އޭގެ ތެރެއިން ފުރަތަމަ އެގާރައިގާ ހިމެނިފައިވަނީ އެންމެ ފަހަރަކުއެވެ. އަދި ކާމިޔާބުކޮށްދެވިފައިވަނީ އެންމެ ލަނޑެކެވެ. އުމުރުން 41 އަހަރުގެ އިބްރަހިމޮވިޗް ވެފައިވަނީ ސެރީއާގައި ލަނޑު ޖަހާފައިވާ އެންމެ ދުވަސްވީ ކުޅުންތެރިޔާއަށެވެ.
