މިސަރުކާރުން ރާއްޖޭގެ އެކި ކަންކޮޅުތަކުގައި ހިންގާ ބޮޑެތި މަޝްރޫޢުތަކަކީ އިންޑިއާގެ އެހީތެރި ކަމާއިއެކު ހިންގާ މަޝްރޫޢުތައް ކަމަށާއި، އެކަމަށްޓަކައިި އެކަމަށްޓަކައި ރައީސުލްޖުމްހޫރިއްޔާގެ ހިފެހެއްޓުމެއްނެތް ޝުކުރު އިންޑިއާގެ ބޮޑުވަޒީރު ނަރެންދުރަ މޯދީއަށް ދަންނަވައިފިއެވެ.

އައްޑޫ ސިޓީއަށް ކުރައްވަމުންގެންދަވާ ދަތުރުފުޅުގައި އައްޑޫ ބިން ހިއްކުމުގެ މަޝްރޫޢު ރަސްމީކޮށް ފައްޓަވާ ދެއްވާ ވާހަކަފުޅުދައްކަވަމުން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ވިދާޅުވީ، އައްޑޫ ސިޓީގައި ފެށިގެންދާ ބޮޑު ދެ މަޝްރޫއާއި، މާލެއާއި ރާއްޖޭގެ އެހެން ސަރަހައްދު ތަކުހައި ހިންގާ ބޮޑެތި މަޝްރޫއުތަކަކީ އިންޑީއާގެ ހިލޭ އެހީއާއި، ލޯނު އެހީގައި ހިންގަމުންދާ މަޝްރޫޢުތަކެއް ކަމަށެވެ.

އެހެންކަމުން، މިކަމަށްޓަކައި ދިވެހި ރައްޔިތުންގެ ނަމުގަޔާއި، ދިވެހި ސަރުކާރާއި، އަޅުގަނޑުގެ އަމިއްލަ ނަމުގައި އިންޑިއާގެ ސަރުކާރަށާއި، އިންޑިއާގެ ރައީސް ދުރްޕާދީ މޯރްމޯއާއި، ޕްރައިމް މިނިސްޓަރ ނަރެންދުރަ މޯދީއަށް އަދި އަޅުގަނޑުމެންގެ އެކުވެރި އިންޑިއާގެ ރައްޔިތުންނަށް ވަރަށް އިޚްލާޞްތެރިކަމާއެކު ޝުކުރު ދަންނަވަން.

– ރައީސް ވިދާޅުވިއެވެ.

ރައީސް ވަނީ އިންޑިއާއިގެން ރާއްޖޭގެ އެކި ސަރަހައްދު ތަކުގައި ހިންގަމުންދާ ބޮޑެތި މަޝްރޫޢުތަކަށް އަލި އަޅުވާލައްވާފައެވެ. އެމަނިކުފާނު ވިދާޅުވީ ހަނިމާދޫ އޭއާޕޯޓް މަޝްރޫޢާއި، މާލެ ސަރަހައްދުގެ ތަރައްޤީއާއި ހަމަޖެހުމާއި ގުޅިފައިވާ ތިލަމާލެ ކަނެކްޓިވީ ބްރިޖާއި، އައްޑޫ މަގު ހެދުމާއި، އަދި މިއަދު ފެށިގެން ދިޔަ އައްޑޫ ބިން ހިއްކުމާއި، އައްޑޫ އެއާޕޯޓް މަޝްރޫއަކީވެސް އިންޑިއާއިގެ އެހީތެރިކަމާއިއެކު ކުރިއަށް ގެންދާ މަޝްރޫޢުތަކެއް ކަމަށެވެ.

ރާއްޖޭގައި މިހާރު ކުރިއަށްމިދާ ގިނަ މިފަދަ ބޮޑެތި ހުރިހާ ޕްރޮޖެކްޓްތަކަކީ، އިންޑިއާގެ ހިލޭ އެހީއާއި، ލޯނު އެހީގެ ދަށުން ހިނގަމުންދާ ޕްރޮޖެކްޓްތައް. ހަނިމާދޫ އެއަރޕޯޓް ކަމަށްވިޔަސް، މާލޭ ހައުސިންގ ޕްރޮޖެކްޓް ކަމަށްވިޔަސް، ތިލަމާލޭ ކަނެކްޓިވިޓީ ބްރިޖް ކަމަށްވިޔަސް، އައްޑޫ މަގުހެދުން، ބިން ހިއްކުން، ގަން އެއަރޕޯޓް، މިހެންގޮސް އެތައް އެތައް ދީލަތި އެހީތަކެއް އިންޑިއާ ސަރުކާރުން ރާއްޖެއަށް މިވަގުތު ވަމުން އެބަދޭ.

– ރައީސް ވިދާޅުވިއެވެ.

އިންޑިއާއިން ރާއްޖޭގެ ހިންގާ މަޝްރޫޢުތަކުގެ ތެރެއިން ފެށިގެން ކުރިއަށްދާ އައްޑޫ ސިޓީ މަގު ހެދުމާއި، ތިލަމާލެ ބްރިޖްގެ މަސައްކަތް ސަރުކާރުން އުންމީދު ކުރި ސްޕީޑުގައި ކުރިއަށް ނުދާކަން ޕްލޭނިން މިނިސްޓަރ އަސްލަމް ވަނީ ފާހަގަ ކުރައްވާފައެވެ. މީގެ ތެރެއިން އައްޑޫ މަގު ހެދުމުގައި ރައްޔިތުންގެ ބޮޑެތި ކަންބޮޑުވުން އޮތުމުން ސީދާ މިނިސްޓަރު އައްޑޫ ސިޓީގައި މަހެއްހާ ދުވަހު މަޑުކުރައްވާފައިވެއެވެ.

މީގެ އިތުރުން ބްރިޖު މަސައްކަތްވެސް އެކަށީގެންވާ ސްޕީޑުގައި ކުރިއަށް ނުދާކަން މިނިސްޓަރ ވަނީ ފާހަގަ ކުރައްވާފައެވެ. ބްރިޖުގެ މަސައްކަތް މިއަހަރު ވިލިމާލެއާއި ގުޅާލާނެކަމަށް ވިދާޅުވި ނަމަވެސް އެކަން އެތާރީހަށް ނުވާނެކަމަށް ސަރުކާރުންވެސް ދެކެއެވެ. ނަމަވެސް ސަރުކާރުން މިމަސައްކަތް ކުރާ ކުންފުންޏަށް އެއްބަސްވުން އިތުރު ކުރުމަށް ނުވިސްނާކަމަށް މިނިސްޓަރ އަސްލަމް ވަނީ ވިދާޅުވެފައެެެވެ.