ނަސްލީ ގޮތުން ދިމާކޮށްލި ވިނީޝިއުސް ޖޫނިއާ އަށް ރެއާލް މެޑްރިޑްގެ ސަޕޯޓަރުންގެ މެދުގައި އޮތް ލޯބި ދައްކާލި މެޗުގައި ރޭ ސްޕެނިޝް ލީގުގައި ރެއާލުން 2-1 އިން ރަޔޯ ވަޔެކާނޯ ބަލިކޮށް ލީގުގެ ދެ ވަނަ އަށް ޖެހިލައިފިއެވެ.
މިދިޔަ އާދިއްތަ ދުވަލު ލަލީގާގައި ވެލެންސިޔާއާ ދެކޮޅަށް ކުޅުނު މެޗުގައި ވެލެންސިއާގެ ސަޕޯޓަރުންގެ ފަރާތުން ކުރިމަތިވި ނަސްލީ ދިމާ ކުރުންތަކާ ގުޅިގެން، އެޓީމަށް ވަނީ ފިޔަވަޅު އަޅާފައެވެ.
ރެއާލް މެޑްރިޑުން ރޭ ރަޔޯއާ ދެކޮޅަށް ކުޅުނު މެޗު ފެށުމަށް ނިކުތް އިރު، ހުރިހާ ކުޅުންތެރިން ނިކުމެފައިވަނީ ވިނިޝިއަސް ކުޅެމުން އަންނަ ނަމްބަރ ކަމުގައިވާ 20 ނަމްބަރު ޖާޒީގައެވެ. އަދި މީގެ އިތުރުން ރެއާލް މެޑްރިޑްގެ ބާސްކެޓު ޓީމުން މިއަދު ފަރިތަ ކުރުން ތަކަށްވެސް ނިކުމެފައި ވަނީ 20 ނަމްބަރ ޖާޒީގައެވެ.
ރެއާލް މެޑްރިޑުގެ ދަނޑުގައި ކުޅުނު މި މެޗު ވިނިޝިއަސް ކުޅެފައި ނުވާއިރު، މުޅި ދަނޑުގައި ވަނީ ވިނިޝިއަސްއަށް ހިތްވަރުދީ ބެނާތަށް ދަމާފައެވެ. މެޗުގެ 20 ވަނަ މިނެޓުގައި މުޅި ދަނޑުން އެއް އަޑަކަށް ވިނިޝިއަސްއަށް ދިޔައީ ގޮވަމުންނެވެ.
ވެލެންސިއާ އަށް އެޅި ފިޔަވަޅުތަކުގެ ތެރޭގައި، ވިނީޝިއަސް އަށް ފުރައްސާރަކުރި ސަޕޯޓަރުން ތިބި ސްޓޭންޑް ކަމަށްވާ މާރިއޯ ކެމްޕެސް ސްޓޭންޑް ފަސް މެޗަށް ބަންދުކުރުމަށް ވަނީ ނިންމާފައެވެ. މިގެ އިތުރުން އެ ޓީމު ވަނީ 45،000 ޔޫރޯ އިން ޖޫރިމަނާކޮށްފައެވެ.
ރެއާލްގެ ދަނޑުގައި ކުޅުނު މިމެޗު އެޓީމުން ވަނީ 1-2 ގެ ނަތީޖާއަކުން ކާމިޔާބުކޮށްފައެވެ. ފުރަތަމަ ހާފުގެ 31 ވަނަ މިނެޓުގައި ބެންޒެމާ ލަނޑު ޖަހާ ލީޑު ނަގާދިން އިރު، ރާޔޯ އިން ވަނީ 84 ވަނަ މިނެޓުގައި ނަތީޖާ ހަމަހަމަކޮށްފައެވެ. ނަމަވެސް މެޗުގެ 89 ވަނަ މިނެޓުގައި ރޮޑްރިގޯ ވަނީ ގޯލެއް ކާމިޔާބުކޮށްދީފައެވެ.
