އެސް ޕްރޮޑަކްޝަންސް އާއި ސެޓަރން ސްޓޫޑިޔޯ ގުޅިގެން އުފައްދާފައިވާ ދިވެހި ފިލްމް "ލޯބިވެވިއްޖެ"ގެ ޝޯތައް އެތަނުގައި އަންނަ މަހާ ހަމައަށް ކުރިއަށް ގެންދާނެ ކަމަށް ބުނެފި އެވެ.
އެހެން ކަމުން މި މަހުގެ 3 ގައި އޮލިމްޕަސް ސިނަމާގައި ޕްރީމިއާކުރި މި ފިލްމްގެ ވަދާއި ޝޯވ އަންނަ ޖޫން މަހުގެ 2 ވަނަ ދުވަހުގައި އޮންނާނެ ކަމަށްވެއެވެ.
View this post on Instagram
މާލޭގައި ފިލްމުގެ ޝޯތައް ކުރިއަށްދާ އިރު، "ލޯބިވެވިއްޖެ" އަތޮޅުތެރޭގެ ތިން ސަރަހައްދެއްގައި ވެސް އަޅުވާފައިވެ އެވެ. ވަރަށް ކުލަ ގަދަކޮން ޕްރިމިއާ ހަފްލާ ބޭއްވުމަށްފަހު އެޅުވި މި ފިލްމްގެ ޝޯވ އެއް ބަލައިލުމަށް ބޮލިވުޑްގެ ކުރީގެ އެކްޓަރު އަފްތާބް ޝިވްދަސާނީ ވެސް ވަނީ އައިސްފައިއެވެ.
އެހެން ކަމުން އަފްތާބް އާއި އެކު ޝޯވއެއް ވަނީ ވަރަށް ކުލަގަދަކޮން ކުރިއަށް ގެންގޮސްފައިއެވެ. އަދި އެއާއި އެކު ވަނީ "ލޯބިވެވިއްޖެ" ގެ ސީކުއަލްއެއް އިއުލާން ކޮށްފައިއެވެ.
"ލޯބިވެވިއްޖެ" އަކީ 2020 ވަނަ އަހަރު ޑިސެމްބަރު 24 ވަނަ ދުވަހު ގދ. ތިނަދޫގައި ޝޫޓީންގ ފެށި ފިލްމެކެވެ. ފިލްމްގެ މަންޒަރުތައް ނަގާފައިވަނީ ގދ.ތިނަދޫ، މާލެ ސިޓީގެ އިތުން ސްރީލަންކާގެ ކޮލަމްބޯ އާއި ނުއަރަލިޔާގައެވެ.
View this post on Instagram
ބޮޑު ބަޖެޓަކުން އުފައްދާފައިވާ މި ފިލްމުގެ މައިގަނޑު ކާސްޓުންގެ ގޮތުގައި ފިލްމްގެ ޑައިރެކްޓަރ ޢަލީ ސީޒަންގެ އިތުރުން މަރިޔަމް ޢައްޒަ، އާމިނަތު ރިޝްފާ، އަޙުމަދު ޢީސަ (އާނަންދު)، ޢަލީ ޢާޒިމް (ދޮން އައްޔަ)، އަޙްމަދު ނިމާލް، ޢަބްދުﷲ ޝާފިޢު (ފުބޫ)، އާމިނަތު ނިޝާ (ނިޝްކޮ)، އިރުފާނާ އިބްރާހީމް (އެރޫ) ހަރަކާތްތެރިވެފައިވެއެވެ.
މި ފިލްމުގެ ސްކްރީންޕްލޭ ލިޔެފައި ވަނީ ސްކްރީން ރައިޓަރ ޒަރީރުއެވެ. އިބްރާހީމް މޫސާ (ދަބަ)ގެ ކެމެރާ ކުރުން ފިލްމު ފެނިގެން ދާއިރު ލޯބިވެވިއްޖެ ޑައިރެކްޓްކޮށްފައި ވަނީ ސީޒަންނެވެ. ލޯބިވެވިއްޖެ ފިލްމުގެ ޕްރޮޑިއުސަރުންނަކީ ޝާނީޒް ޢަލީ އާއި ސީޒަންގެ އަންހެނުން ޝަނާޒްއެވެ.
One Response
އަހަރެން ތިބަލާކަށްބޭނުމެއްނޫން