ގައުމަށް ތަރައްގީ ގެނެވޭނީ ހަމަޖެހުން ގާއިމް ކޮށްގެން ކަމަށާއި، އެކަން ހާސިލް ކުރެވޭނީ ކެތްތެރިކަން އިސްކޮށް ދިވެހި ރައްޔިތުންނަށް ވެރިކަން ކޮށްދީގެން ކަމުގައި ޓްރާންސްޕޯޓު މިނިސްޓްރީގެ ޑެޕިއުޓީ މިނިސްޓަރު ސައުދުﷲ އަހުމަދު ވިދާޅުވެއްޖެއެވެ.
ސައުދު ކުރެއްވި ޓުވީޓެއްގައި ވިދާޅުވެފައިވަނީ، ރައީސް ސާލިހަކީ ނަމޫނާ ރައީސެއް ކަމަށާއި، އެކަން އެންމެ ބޮޑަށް ހާމަވަނީ ރައީސް ސާލިހުގެ ކެބިނެޓްގައި މިހާރު ތިބު ޖޭޕީގެ ވަޒީރުންނަށް ވިސްނާލުމުން ކަމުގައެވެ.
ޤައުމަކަށް ތަރައްޤީ ގެނެވޭނީ ހަމަޖެހުން ގާއިމް ކޮށް ގެން. ކެތްތެރިކަން އިސްކޮށް ތަފާތު ކުރުމެއްނެތި ދިވެހި ރައްޔިތުންނަށް ވެރިކަން ކޮށްދޭނެ ރައީސަކަށް.ރައީސް @ibusolih
އަކީ ނަމޫނާ ރައީސެއް.އެކަން ހާމަވޭ ކެބިނެޓްގައި ތިބި ޖޭޕީ ވަޒީރުންގެ އުޅުމަށް ބެލިޔަސް. ސީދާ… pic.twitter.com/kyOHTkxtJJ— Saudulla Ahmed (@saudullaahmed1) May 21, 2023
އޭނާ އިތުރަށް ވިދާޅުވީ ކެބިނެޓްގައި ތިއްބެވި ޖޭޕީގެ ވަޒީރުންގެ އުޅުމަށް ބަލާލުމުން އެވަޒީރުން ރައީސާއި ދެކޮޅުކަން ސާފުވާ ކަމަށެވެ. އަދި އިދިކޮޅުންވެސް ރައީސާއި ދެކޮޅަށް މަސައްކަތް ކުރަމުންދިޔަ ނަމަވެސް، ހާސްކަމެއްނެތި ރައީސް ސާލިހު ކުރިޔަށް ވަޑައިގަންނަވާކަން ފާހަގަކުރައްވަމުން ސައުދު ވިދާޅުވީ އެއްވެސް ބިރެއް ނެތްކަމުގައެވެ.
ރައީސް ސާލިހުގެ ކެބިނެތްގައި ތިއްބެވި ޖޭޕީގެ ދެ ވަޒީރަކު ވަނީ ކެބިނެޓުން އިސްތިއުވާ ނުދެއްވާ، ޖޭޕީގެ ރިޔާސީ ކެނޑިޑޭޓަށް ތާއީދުކުރާކަން ހާމަ ކޮށްފައެވެ. މިގޮތުން، ޖޭޕީގެ ސްލޮޓުގައި ފިޝަރީޒް މިނިސްޓަރު ކަމުގައި ހުންނެވި ޑރ. ހުސެއިން ރަޝީދު ހަސަންވަނީ ފިކުރެއްގެ ދިރުމުގެ އިސް ބޭފުޅުންނާ ގާސިމް އިބްރާހިމްއާއެކު ބޭއްވުނު ބައެއް ބައްްދަލުވުންތަކުގައިވެސް ބައިވެރިވެވަޑައިގެންފައެވެ.
އެހެންނަވެސް ރައީސް ސާލިހާއި ދެކޮޅަށް މަސައްކަތް ކުރްވަމުން ގެންދަވާ ވަޒީރުންވެސް ކެބިނެޓު ވަޒީރުކަމުން މިހާތަނަށް ދުރުކޮށްފައި ނުވާކަން ފާހަގަ ކޮށްލެވެއެވެ.
