ފިކުރެއްގެ ދިރުން ޖުމުހޫރީ ޕާޓީއާއި ދުރަށްގޮސް، މިހާރު ފެންނަމުންދަނީ ގާސިމް އިބުރާހިމް ގިނިކަންޏާ ވާތަން ކަމުގައި ޓްރާންސްޕޯޓު މިނިސްޓްރީގެ ޑެޕިއުޓީ މިނިސްޓަރު ސައުދުﷲ އަހުމަދު ވިދާޅުވެއްޖެއެވެ.

ސައުދު ކުރެއްވި ޓުވީޓެއްގައި ވިދާޅުވެފައިވަނީ 2013 ވަނަ އަހަރު ގާސިމް އިބުރާހިމަށް ލިބުނު ވޯރޓް މި އިންތިޙާބްގަ ނެގިދާނެ ކަމައް ވިސްނުމަކީ ހުވަފެނީ ވިސްނުމެއް ކަމުގައެވެ. އޭގެ އެއް ސަބަބެއްގެ ގޮތުގައި ސައުދު ފާހަގަ ކުރެއްވީ، އޭރު ގާސިމް އިބުރާހިމްގެ އަރިހުގައި އޮތް ޓީމު މިހާރު ޖޭޕީގަ ނެތުމެވެ. ސައުދު ވިދާޅުވީ މިހާރު ޖުމުހޫރީ ޕާޓީން އިސްކޮށް ފެންނަމުންދަނީ ޕީޕީއެމްއިން ބާކީވި އިތުބާރު ގެއްލިފަ ތިބި "ކުދީންކޮލޅެއް" ކަމުގައެވެ.

ފިކުރެއްގެ ދިރުން ޖޭޕީ އާ ދުރަށް ގޮސް މިފެންނަނީ ޤާސިމް ގިނިކަންޔާ ވާތަން.2013 ގަ ލިބުނު ވޯރޓް މި އިންތިޙާބްގަ ނެގިދާނެ ކަމައް ވިސްނުމަކީ ހުވަފެނީ ވިސްނުމެއް.އެ ޓީމް މިހާރަކު ޖޭޕީގަ ނެތް.އިސްކޮށް ފެންނަނީ ޕޕއމ ބާކީވި އިތުބާރުގެއްލިފަ ތިބި ކުދީންކޮލެއް.

— Saudulla Ahmed (@saudullaahmed1) May 18, 2023

އެމްޑީޕީގެ ރައީސްކަމުގައި ހުންނެވި އެޕާޓީގެ ރައީސް ފިކުރެއްގެ ދިރުން ނަމުގައި އާ ސިޔާސީ ޕާޓީއެއް އުފައްދަވަން ނިންމެވުމަށްފަހު، އެ ހަރަކާތުންވަނީ އާ ޕާޓީއެއް އުފެއްދެވުމަށްފަހު ރިޔާސީ ކެނޑީޑޭޓަކުވެސް ނެރޭނެކަމަށް ބުނެފައެވެ. އެއާއެކު، ޖުމުހޫރީ ޕާޓީއާއި ފިކުރެއްގެ ދިރުމުން ހެދުމަށް މަޝްވަރާ ކޮށްފައިވާ ކޯލިޝަނާއިމެދު ގިނަ ބަޔަކުދަނީ ސުވާލު އުފައްދަމުންނެވެ.

އެހެންނަމަވެސް ޖުމުހޫރީ ޕާޓީގެ ރިޔާސީ ކެނޑިޑޭޓު ގާސިމް އިބުރާހިމް ވިދާޅުވެފައިވަނީ ގިނިކަންޏާ ވާދަކުރައްވަން ޖެހުނުކަމުގައިވި ނަމަވެސް ކުރިޔަށް އޮތް ރިޔާސީ އިންތިޚާބުގައި ވާދަކު ކުރައްވާނޭ ކަމުގައެވެ.