އަންނަ ޖޫން މަހު ފަށާ ސާފް ޗެމްޕިއަންޝިޕް ފުޓްބޯޅަ މުބާރާތަށް ތައްޔާރުވުމުގެ ގޮތުން ރާއްޖެއިން ޒުވާން ގިނަ ކުޅުންތެރިންތަކަކާއެކު 30 ކުޅުންތެރިންގެ ޕްރިލިމިނަރީ ސްކޮޑެއް އެކުލަވާލައިފިއެވެ.
އިންޑިއާގެ ބެންގަލޫރުގައި ޖޫން މަހުގެ 21 އިން ޖުލައި ތިނެއްގެ ނިޔަލަށް ބާއްވާ މި މުބާރާތައް ތައްޔާރުވުމުގެ ގޮތުން ރާއްޖެއިން ފަރިތަކުރުންތައް ފެށުމަށް ހަމަޖެހިފައިވަނީ މި ހަފުތާގެ ދިވެހި ޕްރިމިއަރ ލީގުގެ މެޗުތަކަށްފަހު ކަމަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން މައުލޫމާތުދެއެވެ.
މި ސްކޮޑުގައި މާޒިޔާ ސްޕޯޓްސް އެންޑް ރެކްރިއޭޝަނުގެ 15 ކުޅުންތެރިއަކު ހިމެނެއެވެ. އަދި އީގަލްސްގެ ފަސް ކުޅުންތެރިން ހިމެނޭއިރު، ސުޕަ ޔުނައިޓެޑް ސްޕޯޓްސް (ސަސް) ގެ ހަ ކުޅުންތެރިން ހިމެނެއެވެ. އަދި މިއަހަރު ފުރަތަމަ ޑިވިޝަނަށް ކޮލިފައިވި ބުރު ސްޕޯޓްސް ކުލަބުގެ ފަސް ކުޅުންތެރިން ހިމެނޭއިރު، ޔުނައިޓެޑް ވިކްޓްރީ (ޔޫވީ) ގެ ހަތަރު ކުޅުންތެރިންނާއި، ކުލަބު ގްރީން ސްޓްރީޓްސްގެ ދެ ކުޅުންތެރިންނާއި، ކުލަބު ވެލެންސިއާގެ ދެ ކުޅުންތެރިން އަދި ޓީސީ ސްޕޯޓްސް ކުލަބުގެ ކުޅުންތެރިއަކު ހިމެނެއެވެ.
ސްކޮޑުގައި ހިމެނޭ ވެލެންސިއާގެ ކުޅުންތެރިންގެ ތެރޭގައި އަދި މި ސީޒަނުގައި މެޗެއް ނުކުޅޭ އިބްރާހީމް ވަހީދު ހަސަން (އިއްބެ) ހިމެނެއެވެ. އޭނާއަށް އަދި މި ސީޒަނުގައި ފުރަތަމަ ޑިވިޝަނުން ނުފެންނަނީ ރަޖިސްޓްރީ ނުވާތީއެވެ. އިއްބެއަކީ 2018 ވަނަ އަހަރު ރާއްޖެއިން ސާފް ޗެމްޕިއަންޝިޕް ހޯދި ޓީމުގެ ކުޅުންތެރިއެކެވެ. މީގެއިތުރުން ބުރު ސްޕޯޓްސްގެ އުއްމީދީ ގޯލްކީޕަރު ޝައިހާން އަލީ އާއި ޔޫވީއަށް ކުޅެމުންދާ 17 އަހަރުގެ ޒުވާން ފޯވާޑް ޝަނާން ރަޝީދު ވަނީ މުޅިން އަލަށް ގައުމީ ޓީމުގެ ސްކޮޑުން ޖާގަ ހޯދާފައެވެ.
ސާފް ޗެމްޕިއަންޝިޕަށް އިއުލާނުކުރި 30 ކުޅުންތެރިން ޕްރިލިމިނަރީ ސްކޮޑް:
މާޒިޔާ:
ސަމޫހު އަލީ (ސަމުއްޓެ)
އަޙްމަދު ނޫމާން (ހެލްމެޓް)
ހުސައިން ޝިފާއު (ކްރޯ)
އިބްރާހީމް އައިސަމް
ހައިޝަމް ހަސަން (ބިޑި)
ހަސަން ރާއިފް (ހަންނަ)
ހުސައިން ނިހާން (ނިހާޓް)
ހަސަން ޝިފާޒް (ޑުންގާ)
ހަމްޒާ މުޙައްމަދު (ހަމްޕު)
ހުސެއިން ޝަރީފް
ނާއިޒް ހަސަން (ދާދު)
މުޙައްމަދު އިރުފާން (އިރޭ)
އަލީ ފާސިރު (ސެންޓޭ)
މުޙައްމަދު ފައިސަލް
ހަސަން ނަޒީމް (ޗޯޓު)
ކުލަބު އީގަލްސް:
އިބްރާހީމް މަހުދީ (ފޭދޫ އިއްބެ)
ނިޝާމް މުޙައްމަދު ރަޝީދު (ޕޮގްބާ)
އަޙްމަދު ހަސަން (އަންމަޑޭ)
ހުމައިދު ހުސައިން
އަޙްމަދު ރިޒުވާން (ރިޒޭ)
މުޙައްމަދު ޝަފީއު (ޗެކް)
ސުޕަ ޔުނައިޓެޑް ސްޕޯޓްސް:
މުޙައްމަދު ޝަހާއު (ބޭލް)
އަޙަމަދު އައިހަމް (އައިހު)
މުޙައްމަދު ނިޒާމް (ޕީކޭ)
ވިޝާހު އަބްދުލް މަޖީދު
އަހުނަފް ރަޝީދު (އަހުއްކޮ)
ބުރު ސްޕޯޓްސް ކުލަބު:
އިބްރާހީމް އުސަމާ
މުޙައްމަދު ނާއިމް
ޝައިހާން އަލީ
މުޙައްމަދު ސާއިފް
ފާރޫގު އިސްމާޢީލް
ޔުނައިޓެޑް ވިކްޓަރީ:
އަޙްމަދު ބައްސާމް މުޙައްމަދު ނައީމް (ބައްކު)
އަލީ ނާޖިހު
ޝިފާން ހަސަން (ޝިފާންޓެ)
ޝަނާން ރަޝީދު
ކުލަބު ގްރީން ސްޓްރީޓްސް:
އަންޞަރު އިބްރާހީމް (އަންކޮ)
މުޙައްމަދު ޖައިލަމް (އޮގީ)
ކުލަބު ވެލެންސިއާ:
އިބްރާހީމް ވަހީދު ހަސަން (އިއްބެ)
އަބްދުﷲ ޔާމީން
ޓީސީ ސްޕޯޓްސް ކުލަބު:
އަޙްމަދު މާއިޝް ރަޝީދު
އަންނަ މަހު 21 ވަނަ ދުވަހު ރާއްޖޭން ބޫޓާނާ ދެކޮޅަށް ފުރަތަމަ މެޗުގައި ކުޅުމަށް ފަހު ދެ ވަނަ މެޗުގައި 25 ޖޫންގައި ބައްދަލުކުރާނީ ބަންގްލަދޭޝްއާ އެވެ. އަދި ގްރޫޕްގެ ފަހު މެޗުގައި ޖޫން 28 ގައި ލެބަނަންއާ ކުޅޭނެ އެވެ. ރާއްޖޭން ވަނީ 2008 އާއި 2018 ވަނަ އަހަރު ސާފް ޗެމްޕިއަންޝިޕް ކާމިޔާބުކޮށްފައެެވެ.
