ވ. އާރަށް ކުއްޔަށް ދިނުމުގައި ރިޝްވަތު ނަންގަވާ އަދި މަނީ ލޯންޑަރ ކުރުމުގެ ދައުވާ ސާބިތުވެ 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ރައީސް ޔާމިންގެ މައްޗަށް ކުރެވެމުންދާ ކޮރަޕްޝަންގެ ތުހުމަތުތަކާއި ގުޅުންހުރި ގިނަ މައްސަލަތަކެއް ކޯޓުތަކުގައި ކާމިޔާބު ވަމުން ނުދާތީ ރައީސް ޔާމިންގެ ސަޕޯޓަރުންގެ ނުރުހުން އިސްވަކީލު ޑރ. ޖަމީލްއަށް އަމާޒު ވެއްޖެއެވެ.
މިގޮތުން އެންމެ ފަހުން ސުޕްރިމް ކޯޓުގައި ރައީސް ޔާމިނަށް ނާކާމިޔާބުވި އިސްތިއުނާފްގެ މައްސަލައަށްފަހު، ޑރ. ޖަމީލް އިސްވެ ހުންނަވައިގެން ރައީސް ޔާމިންގެ މައްސަލަތަކުގައި އެކަށީގެންވާ ގޮތެއްގައި ގާނޫނީ މަސައްކަތް ނުކުރެއްވޭކަމަށް ބުނެ، ޔާމިނަށް ތާއީދުކުރާ ބައެއް ފަރާތްތަކުން ވަނީ ޖަމީލްގެ އިސްތިއުފާއަށްވެސް ގޮވާ، ޕީޕީއެމްގެ ސެނެޓް ވަޓްސްއަޕް ގުރޫޕުގައާއި އަދި އެނޫން ފޯރުމްތަކުގައިވެސް ނުރުހުން ފާޅު ކޮށްފައެވެ.
ކޯޓުގެ އެކި މަރުހަލާތަކުގައި ރައީސް ޔާމިންގެ މައްސަލަތަކަށް ނާކާމިޔާބު ވަމުންދާތީ ކަންބޮޑުވުން ފާޅު ކޮށްފައިވާ ފަރާތްތަކުގެ ތެރޭގައި ޕީޕީއެމްގެ ސެނެޓާއި، ރަށްރަށުގެ ސްޓިއަރިން ކޮމިޓީތަކުގެ ބައެއް އިސް ފަރާތްތައްވެސް ހިމެނެއެވެ.
މިގޮތުން ބައެއް ފަރާތްތަކުން ފާހަގަ ކުރައްވާ ގޮތުގައި، ފުއްގިރި މައްސަލާގައި ކުރިމިނަލް ކޯޓަށް އަދީބުއާއި ޒިޔަތުގެ ހެކިބަސް ބަލައިގަނެވޭނެކަމަށް ސުޕްރިމް ކޯޓުން ހުކުމްކޮށްފައިވަނީ ޔާމިންގެ ގާނޫނީ ވަކީލުންނަށް އެ މައްސަލާގައި އެކަށީގެންވާ ގޮތެއްގައި ވަކާލާތު ނުކުރެއްވިގެންނެވެ.
ހަމައެއާއެކުވެސް، އެމައްސަލާގައި ސުޕްރިމް ކޯޓުން ކުރި ހުކުމަށްފަހުވެސް، އެއީ ރައީސް ޔާމިނަށް ލިބިލެއްވި ވަރަށް ބޮޑު ކާމިޔާބީއެއްކަމުގައި ވިދާޅުވެ ޖަމީލް ވާހަކަ ދައްކަވާފައިވަނީ، ރައީސް ޔާމިންގެ ސަޕޯޓަރުންނަށް ނުރަގަޅު އުއްމީދު ދީ، އިދިކޮޅު ޕީޕީއެމްއިން ރިޔާސީ ކެނޑިޑޭޓަކު ނުކުތުމުގެ މަގު ބަންދު ކުރުމުގެ މަގުސަދުގައިކަމަށްވެސް ޕީޕީއެމްގެ ލީޑަރޝިޕްގައި ހިމެނޭ ބައެއް ފަރާތްތަކުންވެސް ތުހުމަތު ކޮށްފައި ވެއެވެ.
ޖަމީލް މަސައްކަތް ކުރައްވަމުން ގެންދަވަނީ، ރައީސް ޔާމިން މިނިވަން ކުރުމަށް ކުރެވޭ ގާނޫނީ މަސައްކަތުން ސިޔާސީ ފައިދާ ނެންގެވުމަށް. ރައީސް ޔާމިންގެ ސަޕޯޓަރުންނަށް ނުރަގަޅު އުއްމީދު ދީ، ހަގީގަތް އޮޅުވާލާ، ޖަމީލް މަސައްކަތް ކުރައްވަނީ، ޖަމީލަށް ޕީޕީއެމްގެ ޓިކެޓް ނުލިބޭނަމަ، ޕީޕީއެމްގެ ފަރާތުން އެއްވެސް ކެނޑިޑޭޓަކު އިންތިޚާބަށް ނިކުތުމަށް އޮތް މަގު ބަންދު ކުރުމަށް.
"ޚަބަރު އޮންލައިން" އާއި ވާހަކަ ދައްކަވަމުން ޕީޕީއެމްގެ އިސް ފަރާތަކުން ވިދާޅުވެފައި ވެއެވެ.
ރައީސް ޔާމިންގެ މައްޗަށް ދައުލަތުން ކޮށްފައިވާ ދައުވާތަކުގައި ގާނޫނީ އެކި މަރުހަލާތަކުގައި ނާކާމިޔާބު ވަމުން ދިއުމުގެ ޒިންމާ ރައީސް ޔާމިންގެ ސަޕޯޓަރުން ގާނޫނީ ޓީމުގެ ބޭފުޅުން ބޮލުގައި އަޅުވަމުން ދާއިރު، ރޭ ބޭއްވުނު ޕީޕީއެމްގެ ހަރުގެ ޖަލްސާގައި ވާހަކަ ދައްކަވަމުން ޖަމީލް ވަނީ، ޔާމިންގެ ސަޕޯޓަރުން ކުރަމުންދާ މި ތުހުމަތުތަކަށް ހިންހަމަ ނުޖެހުން ފާޅުކޮށް ވާހަކަ ދައްކަވާފައެވެ.
ތިބޭފުޅުންގެ ސުވާލުތައް އަތޮޅުތަކުގެ ތެރެއިން ވެސް އަންނާތީ އަޅުގަނޑަށް ވަރަށް ބޮޑު މައްސަލައަކަށް އެބަވޭ. އެއީ މި އިތުބާރު ފުރަތަމަ އަޅުގަނޑުމެން އޮންނަން އެބަޖެހެއޭ.
ޖަމީލަށް އަމާޒުވަމުންދާ ފާޑުކިޔުންތަކަށް ރައްދު ދެއްވަމުން ވިދާޅުވެފައިވެއެވެ.
ރ.ފުއްގިރި ކުއްޔަށް ދިނުމުގައި ޔާމިން ރިޝްވަތު ނަގާ މަނީ ލޯންޑަރ ކޮށްފައިވާކަމަށް ތުހުމަތުކޮށް، ދަށު ކޯޓުގައި ކުރިޔަށްދާ މައްސަލާގައި ހެކި ބަލައިގަތުމާއި ގުޅޭގޮތުން ޔާމިންގެ ފަރާތުން ހުށަހެޅި މައްސަލާގައި ހައިކޯޓުން ކުރި ހުކުމް ސުޕްރިމް ކޯޓުގައި އިސްތިއުނާފް ކުރުމުން، ސުޕްރިމް ކޯޓުން ނިންމާފައިވަނީ އަދީބުއާއި ޒިޔަތުގެ ހެކިބަސް ދަށު ކޯޓުގެ މަރުހަލާގައި ބަލައިގަނެވޭނެ ކަމަށެވެ.
ފަހަކަށް އައިސް ކޯޓުގައި ހިނގި ރައީސް ޔާމިންއާއި ގުޅުންހުރި ގިނަ މައްސަލަތައް ނިމިގެން ގޮސްފައިވަނީ އެމަނިކްފާނާ ދެކޮޅަށެވެ.
ޑރ. ޖަމީލްއަކީ ރައީސް ޔާމިނަށް ވަގަށް ގޮވާ، މީގެކުރިން ރައީސް ޔާމިންއާއި ދެކޮޅަށް ވަރަށްބޮޑަށް މަސައްކަތް ކުރައްވަމުން ގެންދެވި ބޭފުޅެކެވެ.
5 Responses
މި އަޅެ ކޮން ބުރާންޗެއް ހިންގާ ނޫހެއް
ތޮކަހަލަ މިނާފިގުންނަށް ވާނެ ހަތަރެތި ތިޔަވަނީ!
Faisa dheegen liye liye fokun vai dhiyairu es ppm pnc ge ikhulastherin guduvai nulevunu dho? Bala emeehun vakeelu kuranee Allah Ashley Modi ge geriakah nooney
ސްޕްރީމް ކޯރޓުން ވީ ކާމިޔާބު، 11 އަހަރަށް ޖަލަށްލާން ވީ އަނެއް ކާމިޔާބު، ދެން އާރަށް މައްސަލަވެސް ވާނީ ހަމަ ކާމިޔާބު! ޖަމީލަށް ފުރިހަމަޔަށް ކާމިޔާބު އަދި ވާނީ ޕީޕީއެމަށް ޔާމީނު ނުނެރެވުނީމައެވެ. ޖަމީލަކީވެސް އިންސާނެކެވެ. އޭނައަށް ހެދިހޮތް ހަދާން ނެތޭނެހާ ދުވަހެއް އަދިނުވެއެވެ.
ބަގުވާސް ތީ މުޅިންވެސް