ކުރިޔަށް އޮތް ރިޔާސީ އިންތިޚާބުގައި ޖުމުހޫރީ ޕާޓީގެ ކެމްޕޭން މެނޭޖަރުންގެ ގޮތުގައި ދެ ބޭފުޅަކު އައްޔަން ކޮށްފިއެވެ.

ރާއްޖެ ދެބަޔަކަށް ބަހާލާ، އެ ޕާޓީގެ ކެމްޕޭން މެނޭޖަރުންގެ ގޮތުގައި ޖޭޕީގެ ލީޑަރ ގާސިމް އިބުރާހިމް ހަމަޖައްސާވާފައިވާ ދެބޭފުޅުންނަކީ އެޕާޓީގެ ޑެޕިއުޓީ ލީޑަރ އަމީން އިބުރާހިމްއާއި ގާސިމްގެ ސްޕެޝަލް އެންވޯއިކަމަށް ދާދިފަހުން އައްޔަން ކުރެއްވި އިލްހާމް އަހުމަދެވެ.

ދެ ކެމްޕޭން މެނޭޖަރުން ހަމަޖެއްސެވުމަށްފަހުފަހު ދެ ބޭފުޅުންގެ މެދުގައި ކެމްޕޭން ކުރުމަށް ގާސިމްވަނީ މާލެވެސް ހަމަޔަށް ބައްސަވާލައްވާފައެވެ. މިގޮތުން މާލޭގެ އެއްބައި ހިމެނޭގޮތުން އަމީން އިބުރާހިމް ބަލަހައްޓަވާގޮތަށް ހަމަޖައްސަވާފައިވަނީ ހއ.ހދ.ށ.ނ.ރ.ބ.ޅ.ކ.އއ އަދި އދ އެވެ.

އިލްހާމް އަހުމަދު ބަލަހައްޓަވާ ގޮތަށް ހަމަޖައްސަވާފައިވަނީ މާލޭގެ އަނެއްބައި ހިމެނޭ ގޮތުން ވ.މ.ފ.ދ.ތ.ލ.ގއ.ގދ.ޏ އަދި އަށްޑޫ އަތޮޅެވެ.

މީގެ އިތުރުން ޖޭޕީގެ ރިޔާސީ ޓިކެޓް ހަވާލުރުންވެސް ގާސިމް ވަނީ މި ދެބޭފުޅުން ބެލުމުގެ ދަށުން ކުރިޔަށް ގެންދިއުމަށް ސެކެޓްރިއޭޓަށް އަންގަވާފައެވެ.

ގާސިމްވަނީ ކެމްޕޭންގެ އެންމެހާ ކަންކަމުގައި މި ދެބޭފުޅުންނަށް އެެއްބާރުން ދިނުމަށް ޕާޓީގެ ލީޑަރޝިޕަޝާއި ކައިންސިލްގެ އިތުރިން ކޮމިޓީތަކަށްވެސް  އަންގަވާފައެވެ.