ޗާގޯސް މައްސަލާގައި ސަރުކާރުން ޢަމަލު ކުރި ގޮތާއި ދެކޮޅަށް ވާކާލާތުކުރާ ފަރާތްތަކުން މާލޭގެ ރައްޔިތުންނަށް ގޯތި ދޭން ނޭދޭނެކަމުގައި ރައްޔިތުންގެ މަޖިލީހުގެ މާފަންނު ހުޅަނގު ދާއިރާގެ މެމްބަރު މުހައްމަދު ފަލާހު ވިދާޅުވެއްޖެއެވެ.
އޭނާ މިހެން ވިދާޅުވީ ފޯޅަވަހީގެ މައްސަލާގައި ސަރުކާރާއި އިދިކޮޅު ފަރާތްތަކުން ގުޅިގެން ކުރަމުންދާ މަސައްކަތްތަކާއި، ބަންޑާރައިބުގެ އިތުބާރު ނެތްކަމަށް މަޖިލީހަށް ވައްދާފައިވާ ދަނޑިވަޅެއްގައި ކުރެއްވި ޓުވީޓެއްގައެވެ. ފަލާހުގެ ޓުވީޓުގައި ފޯޅަވަހީގެ މައްސަލަގައި ވާހަކަ ދެއްކެވުމަށްވުރެ ބޮޑަށް އަލި އަޅުވާލީ މާލޭގެ ރައްޔިތުންގެ ބޯހިޔާވަހިކަމަށެވެ.
އޭނާ ވިދާޅުވީ މާލޭގެ ރައްޔިތުންނަށް ގޯތި ދިނުމަށް ރައީސް އިބްރާހިމް ވެވަޑައިގެންފައިވާ ވައުދާ އެއްގޮތަށް އެކަން ކުރުމަށް ފޯޅަވަހި ކޯލިޝަނުން ނޭދޭނެކަމަށެވެ. އޭނާ ވިދާޅުވީ މާލޭގެ ރައްޔިތުންގެ ބޯހިޔާވަހިކަން ކަށަވަރުވުމަކީ އިދިކޮޅު ޕީޕީއެމް، ޕީއެންސީއާއި، ޖުމްހޫރީ ޕާޓީ އާއި އެމްއެންޕީން އެދޭނެ ކަމެއް ނޫންކަމަށެވެ. މިބޭފުޅުންގެ އަބަދުވެސް އެދުމަކީ އެބިންތަކުން އެބޭފުޅުންނަށް މަންފާ ވާނެ ގޮތްތަކެއް ހޯދުންކަމަށެވެ.
މާލޭ ރަށްވެހިންނަށް އެތައް ޒަމާނަކަށްފަހު ގޯތި ދިނުމަށް ހިއްކަން ހުރި ތަނެއް ހިއްކާ އެކަން ކުރަންވީ. ތިޔަ ފޯޅަވަހި ކޯލިޝަނަކުން ނޭދޭނެ މާލޭ ރައްޔިތުންނަށް މިކަން ވާކަށް. އަދި އެބަ ކިޔައެންނު އިޤްތިޞާދޭ އަމްރު ލައްވާ ފިނޑި ކަމުން. މާލޭ ރަށްވެހިންނަށް ގޯތި ދިނުމަށް ސަރުކާރުން ނިންމާފައިވާތީ އެކަމާ ދެކޮޅަށް ޕީޕީއެމް ޖުމްހޫރީ ޕާޓީ އަދި އެމްއެންޕީ ކެކިއަރާނެކަން މާލޭ މީހުންނަށް އެނގޭ. އެވެރިން އަބަދުވެސް އެދެނީ އެބިމުން ފައިސާ ހޯދާ އަމިއްލަ ޖީބު ބަރުކުރަން.
– ފަލާހު ވިދާޅުވިއެވެ.
ފަލާހު މިހެން ވިދާޅުވިއިރު، މާލޭގެ ރައްޔިތުންނަށް ސަރުކާރުން ދިނުމަށް ހަމަޖެހިފައިވާ ގޯތި އަދި މިހާތަނަށް ސަރުކާރުން ދީފައި ނުވެއެވެ. ގޯއްޗާއި ފުލެޓު ލިބޭނެ މީހުންގެ ލިސްޓު އާންމުކުރަން އެކި ތާރީހުތައް ދިން ނަމަވެސް މިހާތަނަށް އެއިން އެއްވެސް ތާރީހަކަށް މިކަން ނިންމިފައި ނުވެއެވެ.
