ބަންޑާރަނައިބު އިބުރާހިމް ރިފްއަތުގެ އިތުބާރު ނެތްކަމުގެ މައްސަލަ މަޖިލީހަށް ވައްދައިފިއެވެ.

ރިއްފަތުގެ އިތުބާރު ނެތްކަމުގެ މައްސަލަ މަޖިލިހަށް ވެއްދުމަށްފަހު މަޖިލިހުގައި ކުރިޔަށްދިޔަ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އިދިކޮޅު ޕާޓީތަކުން ބުނެފައިވަނީ ވަރަށް އަވަހަށް ރައީސް ސާލިހުގެ އިތުރުން ފޮރިން މިނިސްޓަރ ޝާހިދުގެ އިތުބާރު ނެތްކަމުގެ މައްސަލަވެސް މަޖިލިހަށް ވައްދާނެ ކަމުގައެވެ.

ރިއްފަތުގެ އިތުބާރު ނެތްކަމުގެ މައްސަލަ މަޖިލީހަށް ވައްދާފައިވަނީ ޕީޕީއެމާއި ޖުމްހޫރީ ޕާޓީ އާއި އެމްއެންޕީގެ އިތުރުން މަޖިލީހުގެ ރައީސް މުހައްމަދު ނަޝީދާ އެކު ތިއްބެވި އެމްޑީޕީގެ މެމްބަރުންގެ ތާއީދާ އެކުއެވެ.

ރިއްފަތުގެ އިތުބާރު ނެތްކަމުގެ މައްސަލަ އިދިކޮޅު ފަރާތްތަކުން މަޖިލީހަށް ވައްދާފައިވި ނަމަވެސް އެމައްސަލަ މަޖިލީހުން ފާސްވާނެކަމަށް ނުބެލެވެއެވެ. ސަބަބަކީ އެމިންވަރަށް އިދިކޮޅު ފަރާތްތަކަށް މަޖިލިހުގައި އަޢުލަބިއްޔަތު ނެތުމުގެ ސަބަބުންނެވެ.

މަޖިލީހުގައި، ވަޒީރެއްގެ އިތުބާރު ނެތްކަމަށް ފާސްވާނީ ޖުމްލަ މެމްބަރުންގެ ދެބައިކުޅަ އެއްބައި މެމްބަރުންގެ އަޣުލަބިއްޔަތު ލިބިގެންނެވެ. އެއީ މަޖިލީހުގެ 87 މެމްބަރުންގެ ތެރެއިން 43 މެމްބަރުންގެ ވޯޓުންނެވެ.

މަޖިލިހުގެ އިދިކޮޅު ފަރާތްތަކުގެ ކޮމްޕޮޒިޝަން:

ޕީޕީއެމް : 6

ޕީއެންސީ: 2

ޖުމްހޫރީ ޕާޓީ: 2

އެމްއެންޕީ: 3

މަޖިލިސް ރައީސް ނަޝީދާ އެކު ތިއްބެވި އެމްޑީޕީ މެމްބަރުން: 12

އިދިކޮޅު ޕާޓީތަކުން ރިއްފަތުގެ އިތުބާރު ނެތްކަމުގެ މައްސަލަ މަޖިލީހަށް ވައްދާފައި މިވަނީ ޗާގޮސްއަކީ މޮރިޝަސްގެ ބައެއްކަމަށް ބައިނަލްއަގުވާމީ ގޮތުން ކަނޑައެޅިގެން ދިއުމާއި ގުޅިގެން، އިޓްލޮސްއިން ނިންމި ނިންމުމަށްފަހު ރާއްޖޭގެ ކަނޑުގެ ސަރަހައްދުން ބޮޑު ބައެއް ގެއްލިގެން ގޮސްފައިވާކަމަށް ތުހުމަތުކޮށް، އެއީ މިސަރުކާރުން ރާއްޖޭގެ ކަނޑު ވިއްކާލުމުގެ ސަބަބަބުން ގެއްލިގެންދިޔަ ބައެއެއްކަމަށް ބުނެއެވެ.