ރާއްޖޭގެ އަސްކަރިއްޔާއާއި ސަލާމަތީ ހިދުމަތްތައް ކުރިއެރުމަށް އިންޑިއާއިން ދެއްވަމުން ގެންދަވާ އެހީތެރިކަމަށް ފޮރިން މިނިސްޓަރ ޝާހިދު ޝުކުރު އަދާކުރައްވައިފިއެވެ.
ފޮރިން މިނިސްޓްރީގައި ބޭއްވެވި ބައްދަލުކުރެއްވުމުގައި މިިނިސްޓަރ ޝާހިދު ވަނީ އިންޑިއާގެ ޑިފެންސް މިނިސްޓަރަށް މަރުހަބާ ދަންނަވާ، ރާއްޖެއާއި އިންޑިއާގެ ޒަމާންވީ ގުޅުމުގެ މައްޗަށް އަލިއަޅުއްވާލައްވައި ވާހަކަފުޅުދައްކަވާފައެވެ. އަދި ރާއްޖޭގެ އަސްކަރިއްޔާއާއި ސަލާމަތީ ހިދުމަތްތައް ކުރިއެރުމަށް އިންޑިއާއިން ދެއްވަމުން ގެންދަވާ އެހީތެރިކަންވެސް ޝާހިދުގެ ވާހަކަފުޅުގައި ފާހަގަކުރެއްވިއެވެ.
މި ބައްދަލުކުރެއްވުމުގައި ދެޤައުމުގެ ދެމެދުގައި އޮތް ދިފާޢީ ގުޅުމުގެ ތެރެއިން، ޙާޞިލުކުރެވިފައިވާ މުހިންމު ކާމިޔާބީތަކުގެ މައްޗަށް ދެ ބޭފުޅުންވެސް އަލިއަޅުއްވާލެއްވިއެވެ. އަދި ކުރިއަށް އޮތްތަނުގައި ދިފާއީ ދާއިރާއިން ދެ ޤައުމުގެ ގުޅިގެން އިތުރަށް ބަދަހިިކޮށް، އެގޮތުގެ މަތިން މަސައްކަތް ކުރައްވާނެކަމުގެ ޔަޤީންކަން ދެ ބޭފުޅުންވެސް ވަނީ ދެއްވާފައެވެ.
Minister of Defence of India @rajnathsingh calls on Minister of Foreign Affairs @abdulla_shahid. Reviewed the ongoing defence cooperation between the two countries and both the Ministers reaffirmed commitment to collaborate on further areas to cement the defence partnership. pic.twitter.com/e1wjbjxNDP
— Ministry of Foreign Affairs 🇲🇻 (@MoFAmv) May 1, 2023
އިންޑިއާގެ ޑިފެންސް މިނިސްޓަރ މިއަދު ރާއްޖެ ވަޑައިގެންނެވީ 3 ދުވަހުގެ ރަސްމީ ދަތުރުފުޅެއްގައެވެ.
ކޮމެންޓު ފޮނުވާ