ހަތަރު މީހުންނާއިއެކު ދަތުރު ކުރަމުންދާ ދޯންޏެއް ދިޔަވެ އަޑިއަށްދާތީ ކޯސްޓް ގާޑުން ހަރަކާތްތެރިވާން ފަށައިފިއެވެ.
އެމްއެންޑީއެފް އިން ބުނީ މާލެއިން ފުރައިގެން ހަތަރު ދިވެހިންނާއެކު ތ. ދިޔަމިގިއްޔަށް ދަތުރުކުރި "މާކުރީ 7″ ދޯނި ތ. ވިލިފުށީގެ ހުޅަނގު އުތުރުން ހަ މޭލު ބޭރުން ދިޔަވެ އަޑިއަށްދާ ކަމުގެ މަޢުލޫމާތު ލިބިފައިވާ ކަމަށެވެ.
އެމްއެންޑީއެފް އިން ދާދި ދެންމެ ބުނީ ކޯސްޓްގާޑު އެޗްސީ 11 އިން ވަނީ ދޯންޏަށް ކައިރިކޮށް މީހުން ސަލާމަތް ކޮށްފައިކަމަށެވެ. ދޯނީގައި ތިބި ހަތަރު މީހުންގެ ހާލުވެސް ރަނގަޅުކަމަށް އެމްއެންޑީއެފައިން ވަނީ ބުނެފައެވެ.
ކުރިއަށް މިއޮތް ދެތިން ދުވަހު މޫސުން ގޯސްވާނެ ކަމަށް މެޓް އޮފީހުން އޮތީ ލަފާކޮށްފައެވެ.
