މާލެ ސަރަޙައްދުގައި އެންމެ ގިނައިން ކަރަންޓު ބޭނުންކޮށްފައިވަނީ މިދިޔަ ހަފްތާގެ އަންގާރަ ދުވަހުކަމަށް ސްޓެލްކޯއިން ހާމަކޮށްފިއެވެ.

ސްޓެލްކޯގެ މެނޭޖިން ޑިރެކްޓަރ އަޙްމަދު ޝަރީފް ކުރެއްވި ޓްވީޓެއްގައި ވިދާޅުވީ ރެކޯޑުތަކުން ދައްކާގޮތުގައި މަލެ ސަރަޙައްދުގައި މިހާތަނަށް އެންމެ ގިނައިން ކަރަންޓު ބޭނުންކޮށްފައިވަނީ މިދިޔަ ހަފްތާގެ އަންގާރަދުވަހު ކަމަށާ، އެ ދުވަހު މާލެ ސަރަހައްދުގައި 92.5 މެގަވޮޓްގެ ކަރަންޓު ބޭނުންކޮށްފައިވާކަމަށެވެ.

މިމަހަކީ އާދަޔާ ޚިލާފަށް ރާއްޖެއަށް ހޯނު ގަދަވާ މަހެއްކަމަށް ވާތީ އެކަމަށް ސަމާލުވެ ރައްކާތެރިވުމަށް މެޓް އޮފީހުންވެސް ވަނީ އިލްތިމާސްކޮށްފައެވެ. އަދި ހޫނު ގަދަވުމާއެކު ކަރަންޓު ބޭނުންކުރާ މިންވަރު އިތުވާނެކަމަށް ވާތީ ކަރަންޓު ބިލްތައް މިމަހު ބޮޑުވެދާނެކަމަށް ސްޓެލއްކޯއިންވެސް ވަނީ ދުރާލައި ސަމާލުކަމަށް ގެނެސްފައެވެ.

އޭޕްރީލް މަހަކީ ޢާންމުކޮށްވެސް ރާއްޖެއަށް އެންމެ ހޫނުގަދަވާ މަހެވެ. މި އެޕްރީލްގައި ވަކިން ހޫނުގަދަވާނެކަމަށް މެޓް އޮފީހުން ލަފާކުރުމާ ގުޅިގެން ސްޓެކްކޯއިން ވަނީ ކަރަންޓު އިޤްތިޞާދުކުރުމަށް އިލްތިމާސްކޮށްފައެވެ.

ޝަރީފް ވިދާޅުވީ ކުރިއަށް އޮތް ދެ ހަފްތާގައި އަދިވެސް މާލެ ސަރަހައްދުގައި ކަރަންޓު ބޭނުންކުރާ މިންވަރު އިތުރުވުމުގެ ފުރުސަތު ބޮޑުކަމަށާ، ސްޓެލްކޯގައި މިވަގުތު 120 މެގަވޮޓްގެ ކަރަންޓު އުފެއްދުމުގެ ގާބިލްކަން ހުރި ނަމަވެސް ކަރަންޓު އިގްތިޞާދުކުރުމަށް އިލްތިމާސްކުރައްވާކަމަށެވެ.

April 11 vana dhuvahakee mihaathah emme ginain karrant male area ga beynun kuri dhuvas 92,5MW ah vure mahchah dhiya, kuriah oi 2 hafthaaga adhi ves ithuru vumuge furusath bodu, ⁦@STELCOMALDIVES⁩ ga 120MW ufendhumuge gabilu kan huri namaves karrent igthisaadhu kurahvaa pic.twitter.com/J07CS7mqb2

— Ahmed Shareef (@ShareefRangondi) April 22, 2023

ރާއްޖޭގެ ހޫނުމިން ބައެއް ވަގުތުތަކުގައި 40 ޑިގްރީ ސެލްސިއަސް އަށް ވުރެ މައްޗަށް ދާނެ ކަމަށް ލަފާ ކުރެވޭތީ ބޭރަށް ނުކުމެ އުޅޭ އިރު ސަމާލުވުމަށް މެޓް އޮފީހުން ވަނީ އިލްތިމާސްކޮށްފައެވެ.

މެޓް އޮފީހުން ކުރި ޓްވީޓެއްގައި ވަނީ މިއަދު ހެނދުނު 11:00 ޖެހިއިރު ރާއްޖޭގެ ފަސް ސަރަހައްދަކަށް ފީލްސް ލައިކް ޓެމްޕަރޭޗާ ނުވަތަ އިހްސާސް ކުރެވޭ ހޫނުމިން ހުރި ގޮތް އަންގައިދޭ ތަފްސީލްތަކެއް ހާމަކޮށްފައެވެ. އެކަމަކު މެޓް އޮފީހުގެ މައުލޫމާތުތަކަށް ބަލާއިރު ރާއްޖޭގެ އެކި ސަރަހައްދުތަކުގައި އާންމު ފިނިހޫނުމިން އެވްރެޖު ގޮތެއްގައި ހުރީ 31.6 ޑިގްރީ ސެލްސިއަސް އާއި 32 ޑިގްރީ ސެލްސިއަސްއާ ދެމެދުގައެވެ.