މޯލްޑިވްސް ސްޓޭޓް ޝިޕިން، (އެމްއެސްއެސް)އިން އައްޑޫ ސިޓީއާއި ކުޅުދުއްފުށި ސިޓީއަށް ދަތުރުތައް ފަށަން ތައްޔާރުވަމުން އަންނަކަމަށް އެ ކުންފުނިން ބުނެފިއެވެ.
މީގެކުރިންވެސް އެމްއެސްއެސްއިން އައްޑުއަށް ދަތުރުތައް ފެށިއެވެ. އެއީ 2020 ވަނަ އަހަރުގެތެރޭގައެވެ. އެފަހަރު ދަތުރުތައް ބޭއްވީ އިންޑިއާގެ ޓުޓްކޮރިންއިން އައްޑޫ ސިޓީއަށެވެ. ނަމަވެސް އެކަށީގެންވާ ތަރުޙީބެއް އައްޑޫން ނުލިބޭކަމަށްބުނެ އޭރު އެކުންފުނިން ބޭއްވި ދަތުރުތައް ހުއްޓާލިއެވެ.
މިފަހަރުގެ ދަތުރުތަކާ ގުޅޭގޮތުން އެމްއެސްއެސްއިން ބުނީ ކުޅުދުއްޓާއި އައްޑުއަށް އަލުން ދަތުރު ފެށުމަށް ބޯޓެއް ހޯދުމުގެ މަސައްކަތް ފަށާފައިވާކަމަށެވެ. މި ބޯޓަކީ ކުރިން މިފަދަ ދަތުރުތަކިގައި އެކުންފުނިން ބޭނުންކުރި ބޯޓަށްވުރެ ކުޑަ އަދި ކުދިން ދިމާވި ބައެއް މައްސަލަތައް ޙައްލުކުރެވޭފަދަ ކަމަށް އެކަށީގެންވާ ބޯޓަކަށް ވާނެކަަމަށް އެކުންފުނިން ވިދާޅުވެއެވެ.
އާ ދަތުރުތަކަށް ބޭނުންވާ ބޯޓު ކުރިއަށްއޮތް ދެތިން މަސްދުވަހުގެ ތެރޭގައި ރާއްޖެ އަންނާނެކަމަށްވެސް އެކުންފުނިން ބުންޏެވެ.
ކޮމެންޓު ފޮނުވާ