ބޮލީވުޑްގެ ތަރިން މި ދުވަސްކޮޅު ރާއްޖޭގައި ޗުއްޓީ ހޭދަކުރާތީ ބައެއް މީހުން ނުރުހުންވެގެން ބަސް ބުނާތަން އެބަ ފެނެއެވެ. އިންޑިއާގެ ފިލްމު އިންޑަސްޓްރީގެ ބައެއް ފަރާތްތައްވެސް މީގެ ތެރޭގައި ހިމެނެއެވެ. ރާއްޖޭގައި ޗުއްޓީހޭދަކުރާ ނުވަތަ ހޭދަކުރަން ބޭނުންވާ މީހުން މި ގިނަ ވަނީ ޔަގީނުންވެސް ސަބަބެއް އޮތީމަ ނޫންތޯއެވެ؟
ބޮލީވުޑްގެ ތަރިންގެ ތެރެއިން މިވަގުތު ރާއްޖޭގެ ޗުއްޓީ ތަޖުރިބާކުރާއެއް ތަރި އަކީ ކުޅަދާނަ އެކްޓަރ ވިވެކް އޮބެރޯއީ އެވެ. އޭނާގެ އާއިލާ އާއިއެކު ރާއްޖެ އައިސް ނަގާފައިވާ ފޮޓޯއެއް ފުރަތަމަ ހިއްސާކުރީ އިއްޔެ އެވެ.
އަންހެނުން ޕްރިޔަންކާ އަލްވާ އޮބެރޯއީ އާއި ދެ ދަރިންނާއެކު، ވިވެކް ޗުއްޓީ ހޭދަކުރަމުންދަނީ މާލެއާއި ވަރަށް ކައިރީގަވެސް މެއެވެ. ކްރޮސްރޯޑްސް މޯލްޑިވްސްގައި ހިމެނޭ ސައި ލެގޫން ރިސޯޓުގައެވެ. ވިވެކް އަންނަނީ ރާއްޖޭގައި އޭނާ ހޭދަކުރަމުންދާ ޗުއްޓީގެ ފޮޓޯތައް އިންސްޓަގްރާމާއި ޓްވިޓާއިން ހިއްސާކުރަމުންނެވެ.
In the Oceans lap of love. #familylove #MyMuchkins
.
.
.@visitmaldives #visitmaldives @SAiiLagoonMaldives @CrossroadsMDV pic.twitter.com/RpcfsCOMBS— Vivek Anand Oberoi (@vivekoberoi) November 29, 2020
ހިންދީ ފިލްމެއްގައި އެންމެ ފަހުން ވިވެކް ފެނުނީ އިންޑިއާގެ ބޮޑުވަޒީރު ނަރެންދްރަ މޯދީގެ ބަޔޮޕިކް "ޕީ.އެމް ނަރެންދުރަ މޯދީ" އިންނެވެ. ނަމަވެސް އޭގެ ފަހުން ހަމަ މިދިޔަ އަހަރު "ރުސްތަމް" ކިޔާ ކަންނަޑާ ފިލްމަކުން އޭނާ ވަނީ ފެނިފައެވެ.
ވިވެކްގެ ކުރިއަށް އޮތް ފިލްމަކީ ބޮޑު ކާސްޓެއް ހިމެނޭ "މުމްބާއީ ސާގާ" އެވެ. މި ފިލްމުގެ ޝޫޓިންގ އޮކްޓޯބަރު މަހު ނިންމާލާފައި ވާއިރު، ކުރިން މިއަހަރު ރިލީޒްކުރަން ނިންމާފައި އޮތް މި ފިލްމު، ބެލުންތެރިންނަށް ފެންނާނެ ކަމަށް ބެލެވެނީ އަންނަ ފެބްރުއަރީ މަހުގެ ތެރޭގައެވެ. ފިލްމުގެ ޕްރޮޑަކްޝަން ޓީމުން ބުނީ މިއީ ބޮޑު ސްކްރީނަށް ތައްޔާރުކޮށްފައިވާ ފިލްމެއް ކަމަށާއި އޮންލައިން ޕްލެޓްފޯމްތަކަކީ އޮޕްޝަނެއް ނޫން ކަމަށެވެ.
ކޮމެންޓު ފޮނުވާ