މިއަދު މިގެެނެސް ދެނީ ސިނަމަން ލެމަން އައިސް ޓީ ތައްޔާރު ކުރާނެ ގޮތެވެ. މީ ތަފާތު ވައްތަރުގެ ސައި ބުއިމަށް ބޭނުންވާ ބޭފުޅުންނަށް ހާއްސަ ރެސިޕީއެކެވެ. އަދި މީގެ އިތުރުން ލުބޯ މީރުމީހުންނަށް ވެސް މި ރެސިޕީ ހާއްސަ ކޮށްލާނަމެވެ.
ބުއިމަށް މިއަދު މި ސައި ތައްޔާރު ކޮށްލަބަލާށެވެ. ފިނިކޮން ތައްޔާރު ކޮށްލުމުން ރޯދަ ވިއްލާ ގަޑިއަށް ވަރަށް ފައްކާވާނެ ކަމަށް ބެލެވެއެވެ. އާންމު ކޮންވެސް ގިން ބޭފުޅުން ރޯދަ ވިއްލާ ގަޑީގައި ފިނިއެއްޗެހި ބުއިމަށް ބޭނުންވެއެވެ.
ބޭނުން ވާނެ ތަކެތި:
6 ޖޯޑު ފެން
6 އިންޗި ފޮނިތޮށި
8 ޓީ-ސިޕްސް ސުޕްރީމް ސިލޯން ޓީ ސައިފަތް ޕެކެޓު
10 މޭޒުމަތީ ސަމުސާ ހަކުރު (ނޫނީ ބޭނުން ވަރަކަށް)
3 މޭޒުމަތީ ސަމުސާ ލެމަން ހުތް (2 ލެމަން)
2 ލެމަން (ވަށްކޮށް ފޮތިކޮށްފައި)
އައިސް ކިޔުބް (ގާތްގަނޑަކަށް 40)
ތައްޔާރު ކުރާނެ ގޮތް:
ފެނާއި، ފޮނިތޮށި ބޮޑު ތެއްޔަކަށް އަޅާފައި ބޮކިޖަހާ ކެކި ގަންނަންދެން ކައްކާށެވެ. ދެން އުނދުން ނިވާލާފައި ސައިފަތް ޕެކެޓުތައް ތެލީގެ ތެރެއަށް ލާށެވެ. ޕެކެޓުތައް ފެނު ތެރޭގައި 5 މިނިޓު ބަހައްޓާލުމަށްފަހު ފެނު ތެރެއިން ނަގާށެވެ. ދެ ހަމަ އެ ތެއްޔަށް ހަކުރު އަޅާ ރަނގަޅަށް ގިރާލާށެވެ. ދެން ތެލީގައި ހުރި ސައި އެއްކޮށް ހިހޫ ކުރާށެވެ.
ހިހޫ ވީމައި ފޮނިތޮށިކޮޅު ސައިގެ ތެރެއިން ނަގާފައި ސައިތައް ޖަގަކަށް އަޅާށެވެ. ދެން ލެމަން ޖޫސް އޭގެ ތެރެއަށް އަޅާފައި ރަނގަޅަށް އެއްވަންދެން ގިރާލާށެވެ. ރަހަ ބަލާލާފައި ފޮނިމިނާއި ލެމަންގެ ރަހަ ބޭނުން ގޮތަކަށް ބަދަލުކޮށްލާށެވެ. ސައި އެތި އައިސް އަލަމާރިއަށް ފިނި ކުރަން ލާށެވެ. ނުވަތަ 2 ގަޑިއިރު މަދުވެގެން ފިނިކޮށްލާށެވެ.
ސައި ބޯން ވީމައި ތަށިތަކަށް އައިސް ކިޔުބް ތަކާއި ފޮތިކުރި ލެމަން ބަޅައިލާށެވެ. ދެން ތަށިތަކަށް ފިނިކުރި ސައި އަޅާށެވެ. ބޭނުމިއްޔާ ކޮންމެ ތަށްޓެއްގެ މަތީގައި ރީތި ކޮށްލަން ކުޑަ މިންޓް ކޮޅެއް ބާއްވާލެވިދާނެއެވެ.
