މާޝްމެލޯ އަކީ އާންމުކޮށް ކުޑަ ކުދިންގެ މެދުގައި ވަރަށް މަގުބޫލު އެއްޗެކެވެ. މިއީ އާއިލީ ބާބަކިއު ތަކުގެ ލިސްޓުގައި އެންމެ ކުރީގައި އޮންނަ އައިޓަމް ވެސް މެއެވެ. މިއަދު މި ގެެނެސްދެނީ މާޝްމެލޯ ޕައިންއެޕަލް މޫސް ތައްޔާރު ކުރާނެ ގޮތެވެ.

ބޭނުން ވާނެ ތަކެތި:

3 ބިހުގެ ގޮބޮޅި

50 ގ. ހަކުރު

250 އެމް .އެލް މިލްކް

250 ގ. ވިޕްކްރީމް

15 .ގ ޖެލެޓިން

100 އެމް .އެލް އަލަނާސި ޖޫސް

150 ގ. މާޝް މެލޯ ކުދިކޮށް ކޮށާފައި

1 ސްޕޮންޖް ކޭކް ކުޑަ

ތައްޔާރު ކުރާނެ ގޮތް:

ބިހާއި ހަކުރު އެއްކޮށް ރަނގަޅަށް ގިރާލާށެވެ. ކިރު ވެސް އެ ބަޔާ އެއްކޮށްލާށެވެ. ވިޕްކްރީމް ވިޕްކޮށްފައި އެއާ އެއްކޮށްލާށެވެ. އަދި އެއަށް ފަހު، ޖޫސް ވެސް އެއްކޮށްލާށެވެ.

ޖެލެޓިން ކޮޅު ގިރާފައި އެއާ އެއްކޮށް ރަނގަޅަށް މިކްސްކޮށްލާށެވެ. އޭގެ ފަހުން މާޝްމެލޯ އެއްކޮށްފައި މިކްސް ކޮށްލާށެވެ. ޓްރޭއެއްގައި ކޭކު ބާއްވާށެވެ. މިކްސް ކުރި ކްރީމްގަނޑު އޭގެ މަތީގައި ފަތުރާލާށެވެ.

އެއް ގަޑި އިރުވަންދެން ނުވަތަ ދޮޅު ގަޑިއިރު ވަންދެން ޑީ ފްރީޒަރަށް ލާށެވެ.