މިއަދު ގެ ދެވަނަ ރެސިޕީ އަކީ ވެސް ގަބުޅި ބޭނުން ކޮށްގެން ތައްޔާރު ކޮށްލެވިދާނެ އެއްޗެކެވެ. އެގޮތުން މިއަދު މި ގެނެސްދެނީ ގަބުޅި ބޯކިބާ ތައްޔާރު ކުރާނެ ގޮތެވެ. ގަބުޅި ބޯކިބަލަކީވެސް ގިނަ ބަޔަކަށް ވަރަށް ކަމުދާ އެއްޗެކެެވެ.
މީ ވަރަށް ފަސޭހައިން ތައްޔާރު ކޮށްލެވޭ މީރު ބޮކިބަލެކެވެ. ހުނި ހަކުރާއި އެކުގައި ސުފުރާ ފަޅުފިލުވައިލުމަށް ގަބުޅީގައި ބޯކިބާއެއްވެސް އަޅައިލުން ކިހިނެއް ވާނެތޯއެވެ.؟
ބޭނުން ވާނެ ތަކެތި:
2ޖޯޑު ގަބުޅި
1 1/2 ޖޯޑުހަކުރު
ރަހަލާ ވަރުގެ ރާނބާ ފަތްކޮޅެއް
1 ޖޯޑު މާފެން
1ޖޯޑު ހަނޑޫ ފުށް (ހިމުންކޮށް ފުނޑާފަ)
1/2 ޖޯޑު ފިނިފެން
ތައްޔާރު ކުރާނެ ގޮތް
ހަކުރާއި ގަބުޅި އަދި ފިނިފެން އަޅައިގެން ރަނގަޅަށް ގަބުޅި ހުނިގަނޑެއް ކައްކާލާށެވެ. ހުނި ކެއްކުނީމަ އެ ފިނިވަންދެން ބަހައްޓާށެވެ. ފިނިވީމަ ހުނި ތެރެއަށް ފުނޑާފައި ހުރި ހަނޑޫ ފުށް އަދި ފިނި ފެން ފޮދެއް އަޅައިގެން ރަނގަޅަށް އަތުން ގިރާލާށެވެ.
އެއަށްފަހު ބޯކިބާ ފިހާ ޓްރޭގައި ކުޑަ ތެޔޮކޮޅެއް ހާކާލުމަށްފު ގިރާފައިހުރި ފުއްގަނޑު އެއަށްއަޅާލުމަށްފަހު، އަވަނުގެ މެދު ހަރުގައި ޓްރޭ ބަހައްޓާށެވެ. އަދި 180 ޑިގްރީގައި 45 މިނެޓްވަންދެން ފިހެލާށެވެ. ބޯކިބާ ފިހެވުމުން އަވަނުން ޓްރޭ ނަގައި މޭޒެއް މަތީ ހިހޫވަންދެން ބަހައްޓާލާށެވެ. މިހާރު ހުންނާނީ ގަބުޅި ބޯކިބާ ތައްޔާރު ވެފައިއެވެ.
