ފުވައްމުލައް ސިޓީގައި 400 މީހުންގެ ޖާގައިގެ މިސްކިތެއް ބިނާކުރުމަށް އިސްލާމިކް މިނިސްޓްރީއިން ދޮންބޭޒް ޕްރައިވެޓް ލިމިޓެޑްއާއި ޙަވާލުކޮށްފިއެވެ.
އިސްލާމިކް މިނިސްޓްރީގައި މިކަމަށްޓަކައި ބޭއްވި ރަސްމިއްޔާތުގައި މިނިސްޓްރީގެ ފަރާތުން މި އެއްބަސްވުމުގައި ސޮއިކުރެއްވީ، އިސްލާމިކް މިނިސްޓަރ ޑރ. އަޙްމަދު ޒާހިރު އަލީއެވެ. ދޮންބޭޒް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ މުޙައްމަދު ރަޝީދެވެ.
ފުވައްމުލައް ސިޓީގައި އަޅާ "މަސްޖިދުލް ފަލާޙް" ގެ މަސައްކަތް 1 އަހަރުގެ ތެރޭގައި ނިންމުމަށް ދޮންބޭޒް ޕްރައިވެޓް ލިމިޓެޑާއި ވަނީ ހަވާލްކޮށްފައެވެ. މި މިސްކިތަކީ 400 މީހުންގެ ޖާގައިގެ މިސްކިތެކެވެ.
ރާއްޖޭގެ އެކި ސަރަޙައްދުތަކުގައި މިސްކިތް ބިނާކުރުމަށް ކުރަމުން އަންނަ މަސައްކަތުގެ ދަށުން މި ދައުރުގައި 40 މިސްކިތެއް ބިނާކުރުމުގެ މަސައްކަތް ފެށިއެވެ. މީގެ ތެރެއިން މިވަގުތު 17 އަށް ވުރެ މިސްކިތެއް ހުޅުވާ އަންނަނީ ބޭނުންކުރަމުންނެވެ.
ރާއްޖޭގެ އެކި ކަންކޮޅުތަކުގައި 38 މިސްކިތެއް ބިނާކުރުމަށާއި، މިސްކިތްތަކުގެ އާބާތުރަ ފިލުވުމުގެ މަސައްކަތްކުރުމަށްވެސް މިއަހަރުގެ ބަޖެޓުގައިވެސް ހިމަނާފައިވެއެވެ.
