މިއަހަރުގެ ރަމަޟާންމަހުގެ ފުރަތަމަ 10 ދުވަހުގެ ތެރޭގައި ފިތުރު ޒަކާތުގެ ގޮތުގައި 10 މިލިއަން ރުފިޔާ ލިބިފައިވާކަމުގައި އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނެފައިވަނީ މި މުއްދަތުގެ ތެރޭގައި ފިތުރު ޒަކާތުގެ ގޮތުގައި 1،310،160 ރުފިޔާ ލިބިފައިވާ ކަމުގައެވެ. ފާއިތުވެދިޔަ އަހަރުގެ މި މުއްދަތުގެ ތެރޭގައި ފިތުރު ޒަކާތުގެ ގޮތުގައި 1،092،547 ރުފިޔާ ލިބިފައިވާއިރު އޭގެ ކުރީ އަހަރު، 2021 ވަނަ އަހަރު 977،301 ރުފިޔަ ފިތުރު ޒަކާތުގެ ގޮތުގައި ލިބިފައި ވެއެވެ. 2020 ވަނަ އަހަރުގެ މި މުއްދަތުގައި ލިބިފައިވަނީ 1،533،844 ރުފިޔާއެވެ.
ފިތުރު ޒަކާތް ބަލައިގަތުމަށް ހަމަޖެހިފައިވަނީ ރަމަޟާންމަހުގެ 27 ވަނަ ދުވަހުގެ ނިޔަލަށެވެ. އެދުވަހާއި ހަމައަށް އޮންލައިން ކޮށާއި އަދި ޚާއްސަ ޑެސްކެއް ބަހައްޓައިގެންވެސް އިސްލާމިކް މިނިސްޓްރީ ފިތުރު ޒަކާތް ބަލައިގަންނަމުން ދާނެއެވެ. މި ޑެސްކު އިސްލާމިކް މިނިސްޓްރީން ޚާއްސަ ކޮށްފައިވަނީ އުމުރުން ދުވަސްވީ މީހުންނަށާއި އޮންލައިންކޮށް ފައިސާ ދެއްކުމަށް ދަތިވާ މީހުންނަށް ޚާއްސަ ކޮށްގެންނެވެ.
ޑެސްކުގެ ޚިދުމަތް ދެމުންދާނީ ރަސްމީ ދުވަސްތަކުގައި ހެދުނު 10:00 އިން މެދުރު 13:00 އާއި ހަމައަށް އިސްލާމިކް މިނިސްޓްރީގެ ހޯލުގައެވެ. މާލެ ނޫން ރަށްތަށުގައި ފިތުރު ޒަކާތް ބަލައިގަންނާނީ ރަށު ކައުންސިލަތަކާއި ސިޓީ ކައުސިލްތަކުންނެވެ.
