ރޭ ހުޅުމާލޭގައި ނުރައްކާތެރި އެކްސިޑެންޓެއް ހިނގައި އަނިޔާވި ދެމީހެއްގެ ތެރެއިން އެކަކު ސީރިސްކަމަށް ފުލުހުން ހާމަކޮށްފިއެވެ.
ރޭ މެންދަމު ދެސައިކަލެއް ޖެހިގެން ހިނގި މި އެކްސިޑެންޓެއްގައި އަނިޔާވެފައިވަނީ ޢުމުރުން 19 އަހަރުގެ ޒުވާނަކަށާއި 56 އަހަރުގެ މީހަކަށެވެ. މި ދެމީހުންނަކީވެސް ފިރިހެނުންނެވެ. އޭގެ ތެރެއިން ޢުމުރުން 56 އަހަރުގެ މީހާގެ ހާލު ސީރިއަސް ކަމަށް ފުލުހުން ވިދާޅުވެއްޖެއެވެ.
މިއެކްސިޑެންޓު ހިނގީ ހުޅުމާލޭ ދެވަނަ ފިޔަވަހީގައެވެ. އަނިޔާވި ދެމީހުންނަށް ހުޅުމާލޭ ހޮސްޕިޓަލްގައި ފަރުވާ ދިނުމަށްފަހު މިހާރު ދަނީ އޭޑީކޭގައި ފަރުވާ ދެމުންނެވެ.
