ރަމަޟާން މަހުގެ ރޭތައް އިހުޔާކުރުމަށް ޕްރޮގްރެސިވް ކޮންގުރެސް ކޯލިޝަނުގެ ފަރާތުން ބާއްވާ ސިލްސިލާ ފޯރަމްތަކުގެ ތެރެއިން މި ރަމަޟާން މަހުގެ ފުރަތަމަ ޖަލްސާ މިރޭ ބާއްވަން ނިންމައިފިއެވެ.
ޕީޕީއެމްއިން ބުނީ އެ ޖަލްސާ އޮންނާނީ މިރޭ އެ ޕާޓީގެ އޮފީހުގައި ކަމަށެވެ. އެއީ މިރޭ 09:30 ގައެވެ. "ރަމަޟާން މަހަކީ ކާމިޔާބުގެ މައްސަރެވެ" ނަމުގައި ބާއްވާ އެ ޖަލްސާގައި ދަރުސް ދެއްވާނީ ޝައިހް އިބްރާހިމް އަހުމަދުއެވެ.
ރަމަޟާން މަހުގެރޭތައް އިޙްޔާކޮށް ދިރުވުމުގެ ގޮތުން ބާއްވާ ޖަލްސާ "ރަމަޟާން މަހަކީ ކާމިޔާބީގެ މައްސަރެވެ."
މި ޖަލްސާއަށް ދިވެހި ލޮބުވެތި ރައްޔިތުންނަށް ދަޢުވަތު އަރުވަން. pic.twitter.com/0HwFi6Jbg9
— Progressive Party of Maldives (@ProgressPartyMV) March 30, 2023
ޕީޕީއެމްއިން ބުނީ އިހުޔާ ޖަލްސާތައް އޮންނާނީ ކޮންމެ ހަފްތާއަކު އެއް ދުވަހު ކަމަށެވެ. އިހްޔާގެ މި ޖަލްސާތަކަކީ ޕީޕީއެމްގެ ލީޑަރު އަދި ކުރީގެ ރައީސް ޔާމީންގެ އިރުޝާދުގެ ދަށުން ބާއްވާ ޖަލްސާތަކެވެ. މިދިޔަ ރަމަޟާން މަހުވެސް އިދިކޮޅުން ވަނީ އިހުޔާކުރުމުގެ ޖަލްސާތައް ބާއްވާފަ އެވެ. އިހްޔާ ޖަލްސާތައް އޮންނާނީ ރަމަޟާން މަހުގެ ކޮންމެ ހަފްތާއަކު އެއްފަހަރުއެވެ.
އިހްޔާގެ ޖަލްސާތައް ބާއްވާއިރު ޖަލުގައި ހުންނެވި ރައީސް ޔާމީން މިނިވަން ކުރުމަށް ގޮވާލާ ކުރިއަށް ގެންދާ އިހުތިޖާޖު ރޯދަ މަހަށް މެދުކަނޑާނުލާ ކުރިއަށް ގެންދާނެކަމަށް ވެސް ޕީޕީއެމްއިން ބުނެއެވެ.
