މިއަދު މި ގެނެސް ދެނީ ޕައި އެއް ތައްޔާރު ކޮށްލާނެ ގޮތެވެ. މިއީ ވަރަށް ފަސޭހަައިން ތައްޔާރު ކުރެވިދާނެ އެއްޗެކެވެ. އަދި އަނގަޔަށް މީރު އެއްޗެއް ވެސް މެއެވެ. މި ރޯދަ މަހު ޓްރައި ކޮށްލަބަލާށެވެ.

ބޭނުން ވާނެ ތަކެތި:

1 ކިލޯ އަލުވި (ފޮތިކޮށް ކޮށާފަ)

1 ޖޯޑު ފިޔާ (ކުދިކޮށް ކޮށާފަ)

2 ލޮނުމެދު (ޗަސްކޮށްފައި)

1 ދަޅު މަސް

1 ޖޯޑު ކެރެޓް

½ ސަމުސާ އަސޭމިރުސް

½ ސަމުސާ ލޮނު

2 މޭޒުމަތީ ސަމުސާ ތެޔޮ

1 ޖޯޑު މޮޒަރެއްލާ ޖީޒް

ތައްޔާރު ކުރާނެ ގޮތް:

އަލުވިކޮޅު މަށާލުމަށްފަހު ވައްކޮން ވަރަށް ތުނި ފޮއްޗަށް ކޮށާލުމަށްފަހު ފެން ކޮޅެއްގައި ކައްކާލާށެވެ. ކައްކާ އިރުގައި ކުޑަ ތެޔޮ ފޮދަކާއި ލޮނުކޮޅެއް ލައިގެން 50 ޕަސެންޓަށް ކަށްކާލާށެވެ.

ދެން އެއަށްފަހު ތެއްޔަކަށް ތެޔޮފޮދު އަޅައި ހޫނު ކޮށްލާށެވެ. އެއަށް ފަހު ފިޔާ ކޮޅާއި ލޮނުމެދުކޮޅު އަޅައި ވަޅޯ ކޮށްލާށެވެ. ވަޅޯ ވުމުން ކެރެޓް ކޮޅު އަޅައިލުމަށް ފަހު ރަނގަޅަށް މިކްސް ކޮށްލާށެވެ. އެއަށް ފަހު މަސްދަޅު އަދި އަސޭމިރުސް އެޅުމަށްފަހު ލޮނު ހެޔޮވަރު ކޮށްލާށެވެ.

ޓްރޭ އެއްގައި އެންމެ ފުރަތަމަ އަލުވި ލޭޔާއެއް އަޅައިލާށެވެ. މުޅި ޓްރޭ އެއްކޮށް ފޮރުވާލަން ހަދާން ބަހައްޓައްޗެވެ. ދެން ތައްޔާރު ކުރި މަސްގަނޑު އަޅައި އެއްވަރު ކޮށްލާށެވެ. ދެން އަނެއްކައިވެސް އެންމެ މަތީގައި ޕޮޓޭޓޯ ލޭއާއެއް އަތުރާލާށެވެ. އެއަށް ފަހު މައްޗަށް ޗީޒް ކޮޅެއް އަޅައި ފިހެލާށެވެ. ޗީޒް ކޮޅު ދިޔާވަންދެން ފިހެލާށެވެ. މިހާރު ހުންނާނީ ޕޮޓޭޓޯ ޕައި ތައްޔާރު ވެފައިއެވެ.