ބަޑިބޭހުގެ ކުޅިވަރާއެކު، ރާއްޖޭގެ މަޝްހޫރު މޮޑެލް ކައިޒީންގެ އުފަންދުވަސް އުސްފަސްގަޑުގައި ރޭ ފާހަގަ ކޮށްފިއެވެ.
ކައިޒީންގެ އުފަންދުވަހަކީ މާރޗުމަހުގެ 30 ވަނަ ދުވަހެވެ. ރޭގެ އުސްފަސްގަޑުގައި ކައިޒީންގެ އުފަންދުވަސް ފާހަގަ ކުރުމަށް ބޭއްވުނު ހަރަކާތުގައި، އޭނާގެ އުފަންދުވަހުގެ ކޭކު ފެޅުންވެސް އޮތެވެ.
މިފަހަރުގެ ފެޅި ކައިޒީންގެ އުފަންދުވަހުގެ ކޭކު އަޅާފައިހުރީ ފަސް ލޭޔަރަށް، އަދި ރަންކުލައިން ޖަރީކޮށްފައެވެ. ހަފްލާގައި ކައިޒީން ލައިގެން ހުރީވެސް ރަންކުލައިން ޖަރީކޮށްފައިވާ ހެދުމެކެވެ.
ރޭ އޮތް ކައިޒީންގެ އުފަންދުވަހުގެ ހަރަކާތުގައި އޭނާގެ އާއިލާގެ އިތުރުން އޭނާއަށް ތާއީދުކުރާ ގިނަ ބަޔަކުވެސް އުސްފަސްގަޑު ސަރަހައްދަށް އެއްވިއެވެ. އަދި އާންމުންގެ ގިނަ ބަޔަކުވެސް ބަޑިބޭހުގެ ކުޅިވަރުތައް ބަލާލުމަށް ބޮޑުތަކުރުފާނު މަގުން، އުސްފަގަޑު ސަރަހައްދަށް ރޭ އެއްވެފައި ވެއެވެ.
ކައިޒީންގެ އުފަންދުވްސް ފާއިތުވި އަހަރު ފާހަގަ ކޮށްފައިވަނީ އިންޑިއާގެ ތާޖުމަހަލްގައެވެ. އެފަހަރުގެ ކޭކު ތައްޔާރު ކުރީ ކަޅު ކުލައިން، ތާޖްމަހަލް ރަމްޒު ކޮށްދޭ ގޮތަށެވެ. އޭގެ ކުރީ އަހަރު އޭނާގެ އުފަންދަވަސް ފާހަގަ ކޮށްފައިވަނީ ދުބާއީގެ ބުރިޖް ޚަލީފާގައެވެ. އެފަހަރު އޭނާ ބޭނުން ކޮށްފައިވަނި އަރަބި ކޮންސެޕްޓުގެ ހެދުމެކެވެ.
ކައިޒީންވަނީ އޭނާގެ ފައިސާއަށް ޚިޔާނާތްތެރި ވީ މައްސަލާގައި ބައްޕަ ގޮވައިގެން ކޯޓަށް ގޮސްފައެވެ.
ކައިޒީން (ފާތިމަތު ޒަޔާން އިބްރާހިމް) އޭނާގެ ބައްޕަ އާއި ދެކޮޅަށް ސިވިލް ކޯޓުގައި ދައުވާ ކުރި މައްސަލައިގައި އިތުރު ކޯޓު އަމުރެއް ނެރެދިނުމަށް އެދުނު ނަމަވެސް އެފަދަ އަމުރެއް ނެރެދެވެން ނެތް ކަމަށް ސިވިލް ކޯޓުން ނިންމުމުން އޭނާ މިހާރުވަނީ ބައްޕަ ގޮވައިގެން ހައިކޯޓަށް ގޮސްފައެވެ.
One Response
ކިތަންމެ ބޮޑުކޭކެއް ފެޅިޔަސް ކިތަންމެ ބަޑިބޭހެއްގެ ކުޅިވަރުކުޅުނަސް އަންހެނެއްގެ އައުރަނިވާނުވާ ހެދުންލައިގެން މީހުންނަށް ދެއްކޭމީހެއްގެ އެއްވެސް އަގެނެތެވެ..