2023 ވަނަ އަހަރުގެ އޭޕްރީލް މަހު ބާއްވާ މަތީ ސާނަވީ އިމްތިހާނުގެ ޖަވާބު ކަރުދާސް މާކު ކުރާނެ ފަރާތްތައް ހޯދުމަށް، ޕާޓްމަންޓް އޮފް ޕަބްލިކް އެގްޒެމިނޭޝަނުން އިއުލާނުކޮށްފިއެވެ.
މިއަދު އެ އިދާރާއިން ވަނީ، ދިވެހި އަދި އިސްލާމް މާއްދާ މާކުކުރުމަށް ޝައުގުވެރިވާ ފަރާތްތަކުން އެޕްލިކޭޝަން ހުށަހެޅުމަށް އާންމުކޮށް އިއުލާނު ކޮށްފައެވެ.
ޕަބްލިކް އެގްޒެމިނޭޝަނުން މައުލޫމާތު ދޭގޮތުގައި، މާކިންގ ކުރިއަށްދާނީ 24 އެޕްރީލް 2023ން 29 އޭޕްރީލްއަށެވެ. އެގޮތުން މާކަރުންނަށް ކަނޑައެޅިފައިވަނީ މާކުކުރާ ކޮންމެ ކަރުދާހަކަށް ފަސްދޮޅަސް ރުފިޔާއެވެ. އަދި މާކިންގ މަސައްކަތް ވޭތުވެދިޔަ 5 އަހަރުގެ ތެރެއިން 3 އަހަރު ކޮށްފައިވާނަމަ، ކޮންޓިނިއުޓީ އެލަވަންސް ގޮތުގައި އެއްހާސް ރުފިޔާ ލިބެއެވެ.
މި މަސައްކަތަށް ކުރިމަތިލުމުގެ ސުންގަޑިއަކީ 2023 އެޕްރީލް 6 ވާ ބުރާސްފަތި ދުވަހުގެ 13:00 އެވެ.
