ރޯދަ މަހުގައި ގިނަ މީހުން އެންމެ ބޮޑަށް ބޭނުން ވާނީ މީރު ފިނި ބުއިމެކެވެ. އެގޮތުން ތަފާތު ވައްތަރުގެ ފަނި ގޭގޭގައި މިމަހަށް ހާއްސަކޮން ތައްޔާރު ކުރެއެވެ. މިއަދު މި ގެނެސްދެނީ ތަފާތު ބުއިމެއް ތައްޔާރު ކޮށްލެވިދާނެ ގޮތެކެވެ.
މިއަދު މިގެނެސް ދެނީ މިހާރު ވަރަށް ބޮޑަށް މަގުބޫލު ބުއިމެކެވެ. ހާއްސަކޮން ރެސްޓޯރެންޓް ތަކުގައިވެސް އެންމެ ޑިމާންޑް ބޮޑު އެއް ބުއިމަށް ވާނެ ކަމާ މެދުގައި ޝައްކެއް ނެތެވެ. މިއަދު މި ގެނެސްދެނީ ސްޓްރޯބެރީ މޮހީޓޯ މޮކްޓެއިލްއެވެ. ތަފާތު ވައްތަރު ގެ މޮހީޓޯ އަކީ ދިވެހިންގެ މެދުގައި މަގުބޫލު ބުއިމެކެވެ.
ބެނުން ވާނެ ތަކެތި:
7 މިންޓް ފަތް
1 މެޒުމަތީ ބްރައުން ޝުގާ
2 ސްޓްރޯބެރި ބޮޑު (ކޮށައިލާފައި)
ލުބޯއެއްގެ ފަޅިއެއް
1 ތަށި ސްޕްރައިޓް
ތައްޔާރު ކުރާނެ ގޮތް
އެންމެ ފުރަތަމަ ތައްޓަށް ހަކުރު އަދި ސްޓްރޯބެރީ އަޅައި ސަމްސަލެއްގެ އެހީގައި ވިޔަސް ޗަސް ކޮށްލާށެވެ. އެއަށް ފަހު މިންޓް ފަތް އަޅައި ހަމަ ކުރިން ގޮތަށް ހުރިހާ އެއްޗެއް ޗަސް ކޮސްލާށެވެ. ދެން ލުބޯ ހުތްފަޅި ފެލައި ލުމަށްފަހު ސުޕްރައިޓް އަޅައިލާށެވެ. އެއަށް ފަހު އައިސް ކިއުބް އަޅައި ސާވް ކުރާށެވެ.
