ރޯދަމަހާއި ގުޅިގެން ބްލަޑް ބޭންކްއިން ދެމުންދާ ޚިދުމަތްތަކަށް ބަދަލު ގެނެސްފިއެވެ.

ބްލްޑް ސަރވިސްއިން ބުނީ 25 މާރްޗް އިން ފެށިގެން 1444 ވަނަ އަހަރުގެ ރަމަޟާންމަހާއި ޝައްވާލުމަހުގެ ފުރަތަމަ 7 ދުވަހު އެ ސަރވިސަސްއިން ފޯރުކޮށްދޭ ޚިދުމަތްތަކުގެ ގަޑިތަކަށް ބަދަލު ގެނެވިފައިވާ ކަމަށެވެ. އަދި އެ ސަރވިސަސް ހުޅުވިފައި ހުންނާނީ ކޮންމެ ހަފްތާއެއްގެ ހޮނިހިރު ދުވަހުން ފެށިގެން ބުރާސްފަތި ދުވަހުގެ ނިޔަލަށް ހެނދުނު 9:00 ން މެންދުރު 03:00 އަށް އަދި ރޭގަނޑު 8:00 ން ދަންވަރު 02:00 އަށެވެ.

އެގޮތުން އެޗް.ބީ ބެލުމާއި ކްރޮސްމެޗް ހެދުމަށް ސާމްޕަލްނެގުންގެ ޚިދުމަތް ހެނދުނު 9:00 ން މެންދުރުފަހު 14:30 އަށް އަދި ރޭގަނޑު 8:00 ން 00:00 ށް ، ތެލެސީމިއާ ސްކްރީނިންގެ ޚިދުމަތް ހެނދުނު 09:15 ން މެންދުރު 12:00 އަށް، ތެލެސީމިއާ ކާޑް ދޫކުރުން ހެނދުނު 9:15 ން މެންދުރު 12:00 އަށް، ޑޯނަރުން ގައިން ލޭ ނެގުން ހެނދުނު 9:00 ން މެންދުރުފަހު 14:00 އަށް އަދި ރޭގަނޑު 8:00 ން 1:00އަށް ޑޯނަރުން ގައިން އެފެރެސިސްކޮށް ލޭ ނެގުން ހެނދުނު 9:00 ން މެންދުރުފަހު 13:00 އަށް އަދި ރޭގަނޑު 8:00 ން 23:00 އަށް، ބޭސް ދޫކުރުމުގެ ޚިދުމަތް ހެނދުނު 9:00ން މެންދުރުފަހު 14:30ށް އަދި ރޭގަނޑު 9:00ން 1:30ށް ދިނުމަށް ހަމަޖެހިފައިވެއެވެ.

މީގެ އިތުރުން ޔުނިޓް-1 އަދި ޔުނިޓް-2 އަކުން ލޭ ގުޅައިދިނުމުގެ ޚިދުމަތް ހެނދުނު 9:00ން 9:30ށް ހުރިހާ އުމުރެއްގެ ކުދިންނަށް ލިބޭނެ އެވެ. އަދި ރޭގަނޑު 8:00ން 8:30ށް 12 އަހަރުން މަތީގެ ކުދިންނަށް އެ ޚިދުމަތް ލިބޭނެ ކަމަށް ބްލަޑް ސަރވިސްއިން ބުނެއެވެ.