އެހެން މީހުންނެކޭ އެއްފަދައިން ބޮލީވުޑް ތަރިންވެސް އެމީހުންގެ ލޯބިވާ އަދި ގާތް މީހުންނަށް ޝުކުރުއަދާކޮށް "ތޭންކްސް ގިވިންގ" ފާހަގަ ކުރެއެވެ.
މަލައިކާ އަރޯރާ މިވަނީ އޭނާއަށް މިއަހަރު ލިބުނު ހުރިހާ އެއްޗަކަށް ޝުކުރުއަދާކޮށް ވީޑިއޯއެއް ހިއްސާކޮށްފަވެއެވެ. އިންސްޓާގުރާމުގައި އޭނާ ހިއްސާކޮށްފައިވާ ވީޑިއޯގައި އާއިލާގެ މީހުން، އޭނާގެ ދަރިފުޅު، ގާތް ރައްޓެހިންގެ ފޮޓޯ ފެނިގެންދާއިރު އޭނާގެ ލޯބިވެރިޔާ އަރްޖުން ކަޕޫރުވެސް ފެނިގެންދެއެވެ.
View this post on Instagram
އަރްޖުންގެ ތިން ފޮޓޯ މި ވީޑިއޯއިން ފެނިގެނަދިއުމުން އެނގެނީ އޭނާއަކީ މަލައިކާގެ ދިރިއުޅުމުގައި ވަރަށްވެސް މުހިންމު މީހެއްކަމެވެ. މި ޕޯސްޓުގައި އޭނާ ލިޔެފައިވަނީ ތޭންކްސްގިވިން އަކީ ލޯތްބާއި އަޅާލުން އަދި ޝުކުރުއަދާކުރުމަށް ފާހަގަކުރަން ރަނގަޅު ދުވަހެއްކަމާއި އަދި ހާއްސަކޮށް މިއަހަރު ކައިރީގައި އުޅުނު އެންމެނާއި ޑަކުޓަރުންނާއި ސިއްޙީދާއިރާގެ މީހުނާއި ދަނޑުވެރިންނަށް ޝުކުރުއަދާކޮށް ލިޔެފައިވެއެވެ.
އަދި މި ވީޑިއޯގައި އޭނާގެ ބެސްޓްފުރެންޑުން ކަރީނާ ކަޕޫރް ޚާން އާއި ކަރިޝްމާ ކަޕޫރް އަދި ދައްތަ އަމްރިތާ އަރޯރާ، ދަރިފުޅު އަރްހާން ޚާން އަދި އެމީހުން ގެންގުޅޭ ޕެޓް ކޭސްޕާ ފެނިގެންދެއެވެ.
އުމުރުގެ ގޮތުން 12 އަހަރުގެ ތަފާތެއް ހުރި މި ދެ ލޯބިވެރިން ފާހަގަވެފައި ވަނީ އިންސްޓަގްރާމްގައި ވެސް ވަރަށް ލޯބިން ފްލަރޓްކުރާ ޖޯޑެއްގެ ގޮތުގައެވެ. 2017 ވަނަ އަހަރު މަލައިކާ ކުރީގެ ފިރިމީހާ އަރްބާޒް ޚާންކައިރިން ވަރިވިފަހުން މަލައިކާ އާއި އަރްޖުން ކަޕޫރުގެ ވާހަކަތަށް ދިޔައީ އިންޑިއާގެ ފިލްމު އިންޑަސްޓްރީގައި ވަރަށް ގަދައަށް ދެކެވެމުންނެވެ. މި ދެތަރިންނަކީ 2 ލޯބިވެރިންކަން ގިނަމީހުން ޔަގީންކުރީ މިދިޔައަހަރު އަރްޖުންގެ އުފަންދުވަހުގެ ތަހުނިޔާ ކިޔަން މަލައިކާ ކުރި އިންސްޓަގްރާމް ޕޯސްޓްގެ ފަހުންނެވެ.
ދާދިފަހުން މިދެތަރިން ގާތްގަނޑަކަށް އެކުއެކީ ކޯވިޑް-19 އަށް ޕޮޒިޓިވް ވުމުން ކަރަންޓީންވެފައި ވަނީވެސް ދެމީހުން އެކުގައެވެ.
