ހަތިޔާރު އެޅި ސިފައިންނާއެކު އޮތް ރައީސް އިބްރާހީމް މުޙައްމަދު ޞާލިޙުގެ މޮޓޯކޭޑު ކުރިއަށް ދިޔަނުދީ އިދިކޮޅު އެކްޓިވިސްޓުން އެއަށް ހުރަސް އަޅައި ހުއްޓުވައިފިއެވެ.
ކޮންމެރެއަކުހެން މާލޭގެ މަގުމަތީގައި މުޒާހަރާކުރަމުންދާ ޕީޕީއެމް/ޕީއެންސީގެ އެކްޓިވިސްޓުން ރައީސް ޞާލިޙްގެ މޮޓޯކޭޑު ހުއްޓުވީ ރޭގައެވެ. މޮޓޯކޭޑަށް ހުރަސް އަޅައި ކުރިއަށް ދިޔަނުދީ ހިފެހެއްޓީ ރައީސް ޔާމީންގެ ގެކޮޅުކުރިމަތިންނެނެވެ.
ރައީސްގެ މޮޓޯކޭޑް އެހެން ދަތުރުކުރީ ހުޅުމާލޭގައި އޮތް ރަސްމިއްޔާތަކަށް ފަހުއެވެ. އޭރު އޭގައި ރައީސްވެސް އިންނެވިކަމަށް މަޢުލޫމާތުލިބެއެވެ. މޮޓޯކޭޑް ދިޔައީ މުލީއާގެއަށް ދިއުމަށެވެ. ރައީސް ޔާމީންގެ ގެކޮޅާއި ޕީޕީއެމް އޮފީސް ހުންނަ ސަރަޙައްދަށް މޮޓޯކެޑް އައުމާއެކު އިދިކޮޅު އެކްޓިވިސްޓުންވަނީ މުޒާހަރާކޮށް ރައީސް ޔާމީން މިނިވަންކުރަން ގޮވާލައި އަޑުގަދަކޮށްފައެވެ. އަދި ރައީސް ޞާލިޙުގެ އިސްތިއުފާއަށް ގޮވައި މޮޓޯކޭޑު ހުއްޓުވާފައެވެ.
Tonight's security failure on the president's motorcade is not Normal!
It shows @PoliceMv's frustrations. Nobody or institutions can any longer tolerate @ibusolih 's continued unlawful commands.
He is alone now! pic.twitter.com/kQBxw0J26B
— Mohamed Ameen (@ameen3d) March 20, 2023
ރޭގެ މުޒާހަރާގައިވެސް ނިސްބަތުން ތިބީ މަދު ބައެކެވެ. އެހެންނަމަވެސް އެމީހުން ކޮންޓްރޯލްކޮށް އެމަގުން ރައީސްގެ މޮޓޯކޭޑަށް ދެވޭގޮތެއް ނުވިއެވެ. މޮޓޯކޭޑާއެކު ދަތުރުކުޜާ ހަތިޔަރު އެޅި ސިފައިންވެސް ތިއްބެވެ. އެހެންނަމަވެސް ރައީސްގެ މޮޓޯކޭޑުވަނީ އައިކޮޅަށް އަނބުރާލާފައެވެ.
ރައީސް ޠާމީން މިނިވަންކުރަން ގޮވާލާ ރޭ ކުރިމުޒާހަރާ އިން 20 މީހަކު ހައްޔަރު ކުރިކަމަށް ޕިޕީއެމްއިން ބުނެއެވެ.
