ރޯދަމަހުގެ ރޯދަ ވިއްލާ ގަޑީގެ އިތުރުން ތަރާވީސް ގަޑި އަދި ހާރު ދަމަށްވެސް ތަފާތު އެއްޗެހި ތަޖުރިބާ ކުރުމަކީ ދިވެހިންގެ އާދައެކެވެ. ތަރާވީހަށް އަދި ހާރު ދަމަށް ވެސް ސުފުރާ ފަޅު ފިލުވައިލުމަށް ސެލެޑެއް މުހިންމު ރޯލެއް އަދާކުރެއެވެ.

އެގޮތުން މިއަދު މި ގެނެސްދެނީ ވަރަށް ފަސޭހައިން ތައްޔާރުކޮށްލެވޭ ސެލެޑެކެވެ. އެއީ ޗައިނީސް ޗިކަން ސެލެޑްއެވެ. މީ ވަރަށް ފަސޭހައިން ތައްޔާރު ކޮށްލެވޭ މީރު ސެލެޑެކެވެ.

އެމެރިކާގެ މެނޫތަކުގައި މި ސެލެޑް ފެންނަން ފެށީ 1900 ގެ އަހަރުތަކުގެ މެދުތެރޭގަ އެވެ. ވުލްފްގޭންގް ޕަކް އަށް ބައެއް ފަހަރު މި ޑިޝްގެ ކްރެޑިޓް ލިބެނީ 1980 ގެ އަހަރުތަކުގައި އޭނާގެ މަޝްހޫރު ރެސްޓޯރެންޓް ޗިނޯއިސްގެ މެނޫގައި އެފަދަ އެއްޗެއް ޖެހުމުން ނެވެ. މީގެ ނަމަކީ ޗައިނީސް ޗިކަން ސެލެޑް ނަމަވެސް ޗައިނާ އާއި މި ސެލެޑް އާއި އެއްވެސް ވަރަކަށް ގުޅުމެއް ނެތެވެ.

ތައްޔާރު ކުރާނެ ގޮތް: 

1 ޖޯޑު ކުކުޅު (ކައްކާލުމަށްފަހު ކިއުބް ކޮން ކޮށާފައި)

1 ޖޯޑި އައިސްބާގް ލެޓިއުސް

1 ޖޯޑު ކެރެޓް (ޑައިސްކޮން ކުދިކޮން ކޮށާފައި)

1/2 ޖޯޑު ޕީނަޓް (ރޯސްޓް ކޮށްފައި)

1 ޖޯޑު ބެލްޕެޕާ (ރަތް އަދި ރީދޫ ޑައިސްކޮން ކޮށާފައި)

1/2 ޖޯޑު ސިލާންޓްރޯ

1 ސައިސަމުސާ މިރުސް ފްލޭކްސް

2 މޭޒުމަތި ސަމުސާ ސެސެމޭ އޮއިލް

2 މޭޒުމަތީ ސަމުސާ ޕީނަޓް އޮއިލް

ލޮނުކޮޅެއް

ތައްޔާާރު ކުރާނެ ގޮތް:

އެންމެ ފުރަތަމަ ދެވައްތަރުގެ ތެޔޮ ކޮޅު ތައްޓަކަށް އެޅުމަށްފަހު ރަނގަޅަށް އެއްކޮށްލާށެވެ. އަދި ލޮނުކޮޅާއި މިރުސް ފްލޭކްސް ކޮޅު އަޅައި ހުރިހާ އެއްޗެއް ރަނގަޅަށް މިކްސް ކޮށްލާށެވެ. އެއަށް ފަހު ބާކީ ހުރި ހުރިހާ އެއްޗެއް، ފަހަރަކު އެއްޗެއް އެއްކުރަމުން އަޅަމުން ގެންދާށެވެ. މިހާރު ހުންނާނީ ސެލެޑް ތައްޔާރު ވެފައެވެ.