ރޭ އިދިކޮޅު ޕްރޮގްރރެސިވް ކޯލިޝަނުން މާލޭގައި ކުރިއަށް ގެންދިޔަ މުޒާހަރާ ކަވަރު ކުރަމުންދިޔަ ނޫސްވެރިޔަކު ފުލުހުން ހައްޔަރު ކުރުމާއި ގުޅިގެން އެކަން މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އިން އެކަން ކުށްވެރިކޮށްފިއެވެ.
ރޭގެ މުޒާހަރާ ކަވަރު ކުރަމުންދިޔަ ދުވަހު ނޫސް "އަވަސް" ގެ ނޫސްވެރިޔަކު ހައްޔަރު ކޮށްފައިވަނީ އޭނާގެ ކަރުގައި އަވަސްގެ ފާސްވެސް އަޅައިގެން ހުއްޓައެވެ. އެފާހަކީވެސް ފުލުހުންނަށްވެސް އާންމުންނަށްވެސް ފެންނާނޭ ގޮތަށް ބޮޑުކޮށް ޕްރިންޓް ކޮށްފައިވާ ފާހެކެވެ. ނަމަވެސް ދެ ފުލުހަކު ވެގެން އޭނާ ހައްޔަރުކޮށް ގެންދިޔައިރު އެކަމަކަށް މާބޮޑު ސަމާލުކަމެއް ދީފައި ނުވެއެވެ.
ނޫސްވެރިޔާ ހައްޔަރު ކުރި މައްސަލާގައި ކަންބޮޑުވުން ފާޅުކޮށް އެމްޖޭއޭއިން ބުނީ މުޒާހަރާތައް ކަވަރުކުރުމުގައި ހަރަކާތްތެރިވަމުން އަންނަ ނޫސްވެރިންނަށް އާންމު ގޮތެއްގައި ފުލުހުންގެ ފަރާތުން އަނިޔާ އާއި ފުރައްސާރަ ލިބެމުންދިއުމަކީ އެ ޖަމިއްޔާ އިން ވަރަށް ބޮޑަށް ކަންބޮޑުވާ ކަމެއް ކަމަށެވެ. އެ ޖަމިއްޔާ އިން ވަނީ އެއްވުންތައް ކަވަރުކުރުމުގައި ހަރަކާތްތެރިވާ ނޫސްވެރިންނަށް ރައްކާތެރިކަން ކަށަވަރުކޮށްދިނުމަށް ފުލުހުންނާއި ސަރުކާރަށް ގޮވާލައިފައެވެ.
MJA condemns the arrest of a journalist of @avasmv who was covering the opposition demonstration in Male’ last night. The union is deeply concerned that journalists covering the protests are constantly being harassed, tortured by the @PoliceMv 1/2 pic.twitter.com/nBV8COQlZd
— Maldives Journalists Association (@mjamaldives) March 17, 2023
އިދިކޮޅުން ހިންގާ މުޒާހަރާތަކުގައި ނޫސްވެރިންނަށް އަމާޒުކޮށް ފުލުހުން ހިންގާ އެކި ހަރަކާތްތަކުގައި މިއަހަރުގެ މިހާތަނަށް 8 ނޫސްވެރިއަކު ވަނީ ހައްޔަރުކޮށްފައެވެ. މުޒާހަރާ ކަވަރުކުރާ ނޫސްވެރިން ހައްޔަރު ކުރަމުންދާ މައްސާލަގައި އެޗްއާރުސީއެމްއިން ނެރުނު ބަޔާނެއްގައިވެސް މީގެ ކުރިން ވަނީ ކަންބޮޑުވުން ފާޅުކޮށްފައެވެ.
ނޫސްވެރިޔާ ހައްޔަރު ކުރި މައްސަލާގައި ފުލުހުން އެއްވެސް އެއްޗެއް ބުނެފައިވެއެވެ.
ކޮމެންޓު ފޮނުވާ