ރައީސް ޔާމީންގެ އިސްތިއުނާފީ 2 މައްސަލައިގެ ހާޑުކޮޕީ ކޯޓާއި ހަވާލުކޮށްފިއެވެ.
ވ. އާރަށް މައްސަލާގައި ރިޝްވަތާއި މަނީ ލޯންޑްރިންގެ ކުށުގައި ޔާމީންގެ މައްޗަށް އިއްވާފައިވާ 11 އަހަރުގެ ޖަލު ހުކުމާއި، ޔާމީންގެ މައްޗަށް ސާބިތުވި ރިޝްވަތާއި މަނީ ލޯންޑަރިންގެ ކުށުގައި ހިމެނޭ 3،413،230 ޑޮލަރު (53 މިލިއަން ރުފިޔާ) ހަ މަސް ދުވަހުގެ ތެރޭގައި ދައްކަން ކްރިމިނަލް ކޯޓުން ކުރި އަމުރު ހައިކޯޓުގައި ވަނީ އިސްތިއުނާފް ކޮށްފައެވެ.
މިދެ މައްސަލައިގެ ތެރެއިން ވ. އާރަށް މައްސަލާގައި ރިޝްވަތާއި މަނީ ލޯންޑްރިންގެ ކުށުގައި ޔާމީންގެ މައްޗަށް އިއްވާފައިވާ 11 އަހަރުގެ ޖަލު ހުކުމް އިސްތިއުނާފް ކުރަން ހައި ކޯޓަށް ހުށަހެޅުމުން، އެމައްސަލަ އިސްލާހުު ކުރުމަށް ހައިކޯޓުން އެންގިއެވެ. އަދި ކޯޓުން އެންގި ކަންކަން އިސްލާހުކޮށް ހުށަހެޅުމުން ހާޑު ކޮޕީ ހުށަހެޅުމަށް ކޯޓުން ވަނީ އެދިފައެވެ.
މިއާއިއެކު ރައީސް ޔާމީންގެ އިސްތިއުނާފް 2 މައްސަލައިގެ ހާރޑް ކޮޕީ ގެނެސްދެއްވުމަށް އެދުމުން ޕްރިންޓް ކޮށް މިއަދުވަކީލުން ވަނީ ކޯޓަށް އެކޮޕީތައް ހުށައަޅާފައެވެ.
ރައީސް ޔާމީންގެ އިސްތިއުނާފް2 މައްސަލަ ކޯޓުން އެންގެވިގޮތައް އިސްލާޙްކޮށް ހުށަހެޅިފަހުން މި2 މައްސަލާގެ ހާރޑް ކޮޕީ ގެނެސްދެއްވުމަށް އެދުމުން ޕްރިންޓް ކޮށް މިއަދުވަކީލުން ވަނީ ކޯޓަށް އެކޮޕީތައް ހުށައަޅާފަ.#RY2023#FreePresidentYameen pic.twitter.com/hVfoAfhC5O
— Ibrahim Shujau (@IbrahimShujaau) March 16, 2023
ރައީސް ޔާމީންގެ މައްޗަށް ޖަލު ހުކުުމެއް އިއްވާފައިވަނީ މިދިޔަ އަހަރު ޑިސެންބަރު މަހުގެ ތެރޭގައެވެ. ވ. އާރަށް ކުއްޔަށް ދޫކުރި މުއާމަލާތާ ގުޅިގެން ކުރީގެ ރައީސް ޔާމީންގެ މައްޗަށް ސާބިތުވި ރިޝްވަތާއި މަނީ ލޯންޑަރިންގެ ކުށުގައި ހިމެނޭ 3،413،230 ޑޮލަރު (53 މިލިއަން ރުފިޔާ) ހަ މަސް ދުވަހުގެ ތެރޭގައި ދައްކަން ކްރިމިނަލް ކޯޓުން ވަނީ އަމުރުކޮށްފައެވެ.
ދައުލަތުން ބުނެފައިވަނީ އާރަށް ކުއްޔަށް ދިން މައްސަލާގައި އިސްލާމިކް ބޭންކްގައި އޮތް ޔާމީންގެ އެކައުންޓަށް ޖުމުލަ 1،295،000 ޑޮލަރު ޖަމާކޮށްފައިވާ ކަމަށެވެ. އަދި އޭގެ ފަހުންވެސް އިސްލާމިކް ބޭންކުގައި އޮތް އިންވެސްޓްމަންޓް އެކައުންޓަކަށް އިތުރު ފައިސާއާއެކު ޖުމުލަ 3،413،230 ޑޮލަރު، 36 މަސް ދުވަހުގެ މުއްދަތަށް އިންވެސްޓްކޮށްފައިވާ ކަމަށް ދައުލަތުން ވިދާޅުވިއެވެ.
އެ ފައިސާ ދައްކަން ރައީސް ޔާމީންގެ މައްޗަށް ޢަމުރުކުރީ ވ.އާރަށް ކުށްޔަށް ދިން މައްސަލާގައި އުފުލި ދެ ދަޢުވާވެސް ސާބިތުވެ 11 އަހަރަށް ޖަލަށް ލުމަށް ކޮށްފައިވާ ޙުކުމަށް ރިޔާޢަތްކޮށެވެ.
މިމައްސަލަގައި ޔާމީންގެ މައްޗަށް ރިޝްވަތާއި މަނީލޯންޑްރިންގެ ކުށް ސާބިތުވެފައިވާތީ، މިފައިސާ ހަ މަސް ދުވަހުގެ ތެރޭގައި ދެއްކުމަށް ކްރިމިނަލް ކޯޓުން އަމުރުކުރީ މަނީލޯންޑްރިން އާއި ޓެރަރިޒަމަށް ފައިނޭންސް ކުރުން ހުއްޓުވުމުގެ ގާނޫނުގެ ދަށުންނެވެ.
ކޮމެންޓު ފޮނުވާ