ޕީޕަލްސް ރިޕަބްލިކް އޮފް ޗައިނާ (ޕީއާރުސީ) ގެ ރައީސް އަދި ޕީއާރުސީގެ ސެންޓްރަލް މިލިޓަރީ ކޮމިޝަންގެ ޗެއާމަންގެ މަގާމަށް ތިންވަނަ ދައުރަކަށް ރައީސް ޝީ ޖިންޕިން އިންތިހާބުވެވަޑައިގަތުމުން، މޯލްޑިވްސް ނޭޝަނަލް ޕާޓީގެ ފަރާތުން ތަހުނިޔާ ދަންނަވައިފިއެވެ.
އެމެއެންޕީގެ ރައީސް މުޙައްމަދު ނާޒިމް ކުރެއްވި ތަހުނިޔާގެ ޓްވީޓުގައި އިތުރަށް ބަޔާންކޮށްފައިވަނީ ރާއްޖެއާއި ޗައިނާއާ ދެމެދު އޮތް ގުޅުން އިތުރަށް ބަދަހިވެގެން ދިޔުމަށް އެދޭ ކަމުގައެވެ.
I extend my heartfelt congratulations to President Xi Jinpin on his election to a third term as the President of the People's Republic of China (PRC) and Chairman of the Central Military Commission of the PRC, on behalf of the Maldives National Party. 1/2
— Mohamed Nazim MP (@nazim7878) March 10, 2023
ގާތްގަނޑަކަށް 3000 މެމްބަރުން ހިމެނޭ ޗައިނާގެ މަޖިލީސް، ނެޝަނަލް ޕީޕަލްސް ކޮންގްރެސް (އެންޕީސީ) ގެ ހުރިހާ މެމްބަރުންހެން ވަނީ ޝީ މަގާމަށް ހޮވުމަށް ވޯޓް ލާފައެވެ. ޝީ ތިން ވަނަ ދައުރަކަށް ހޮވާފައި މިވަނީ ރައީސްކަމުގައި އެންމެ ގިނަވެގެން ހުރެވޭނީ ދެ ދައުރު ކަމަށް އޮތް ގާނޫނު ބަދަލު ކުރުމަށް ފަހުގައެވެ. ވެރިކަން ކުރާ ކޮމިއުނިސްޓް ޕާޓީން އައްޔަން ކުރާ މެމްބަރުން ހިމެނޭ އެންޕީސީގެ 2952 މެމްބަރުން ޝީ އަށް ވޯޓް ލާފައިވާއިރު، ޝީ އާއި ދެކޮޅަށް އެއްވެސް މެމްބަރަކު ވޯޓު ލާފައެއް ނުވެއެވެ.
2012 ވަނަ އަހަރު މަގާމާއި ހަވާލުވުމަށްފަހު، 69 އަހަރުގެ ޝީ ވަނީ ކުރިމަތިވެދާނެ ހުރިހާ ގޮންޖެހުންތަކެއް އެއްފަރާތް ކުރައްވާ، ޝީ އަށް ވަފާތެރި ފަރާތްތަކުން ޕާޓީ ފުރާލެއްވުމާއި އެކު، ޕީޕަލްސް ރިޕަބްލިކް އޮފް ޗައިނާ އުފެއްދެވި، މާއޯ ޒެޑޯންގް އަށްފަހު ޗައިނާގެ އެންމެ ނުފޫޒު ގަދަ ލީޑަރަށް ވެފައެވެ.
